Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Kryeministri Edi Rama publikon edhe fjalimin e Damian Gjiknurit, i cili thoshte se raporti nuk kishte asnjë provë dhe kishte shumë kontradikta, ndaj e cilësonte trillim politik.
TIRANË- Kryeministri Edi Rama ka replikuar, edhe pse në distancë, me kritikat e opozitës së vendit lidhur me fjalimin e tij në Këshillin e Europës. Me anë të një postimi të gjatë në rrjetin e tij social Facebook, Rama shkruan se 11 vite më parë, përfaqësuesi i PD kanë votuar pro raportit të Dick Marty në Asamblenë Parlamentare në Strasburg, ndërsa ka shtuar edhe fjalën e Damian Gjiknurit, përfaqësuesit të PS që votoi kundër së bashku me Shpëtim Idrizin.
Rama publikon edhe fjalimin e Damian Gjiknurit, i cili thoshte se raporti nuk kishte asnjë provë dhe kishte shumë kontradikta, ndaj e cilësonte trillim politik.
“KUJTESA HISTORIKE na e thotë sot me fakte të shkruara, se kur rezoluta e iniciuar nga përfaqësuesit e partisë së Vladimir Putinit dhe e mbështetur më tej nga raporti famëkeq i Dick Marty-t mbi trafikun e organeve njerëzore, u paraqit për votim në Asamblenë e Përgjithshme, ajo fatkeqësisht mori votën pro të përfaqësuesit të Partisë Demokratike në delegacionin shqiptar, ndërsa u kundërshtua nga dy përfaqësuesit e tjerë nga Shqipëria, Damian Gjiknuri e Shpëtim Idrizi,”- shkroi Rama.
POSTIMI I PLOTË I RAMËS:
KUJTESA HISTORIKE na e thotë sot me fakte të shkruara, se kur rezoluta e iniciuar nga përfaqësuesit e partisë së Vladimir Putinit dhe e mbështetur më tej nga raporti famëkeq i Dick Marty-t mbi trafikun e organeve njerëzore, u paraqit për votim në Asamblenë e Përgjithshme, ajo fatkeqësisht mori votën pro të përfaqësuesit të Partisë Demokratike në delegacionin shqiptar, ndërsa u kundërshtua nga dy përfaqësuesit e tjerë nga Shqipëria, Damian Gjiknuri e Shpëtim Idrizi. Ja fjala që përfaqësuesi i Partisë Socialiste në delegacionin e vendit tonë në Këshillin e Europës, Damian Gjiknuri, i drejtoi pa sukses Asamblesë së Përgjithshme: Ky raport ka tërhequr vëmendjen e shumë njerëzve, për shkak të seriozitetit të akuzës, natyrës së krimeve të pretenduara dhe MUNGESËS SË PROVAVE. E kuptojmë se ideja e konspiracionit që rrethoi paaftësinë e Tribunalit Ndërkombëtar për ish-Jugosllavinë (ICTY) për të hetuar krimet e pretenduara dhe zbulimi në respekt të një prej lojtarëve kryesorë për të ndjekur krime të tilla, Carla del Ponte, është çka e nxiti këtë Asamble të kërkojë nga Dick Marty përpilimin e një raporti të plotë, të bazuar në prova, si edhe të hedhë dritë mbi çështjet, në vend që të përsërisë akuzat e bëra më parë nga të tjerët. Fatkeqësisht, na duhet ta pranojmë që ky raport nuk ka as edhe një gjë të re me rëndësi dhe vetëm sa është shtuar ai vetë në numrin e çështjeve politike të rajonit. Nuk ka AS EDHE NJË PROVË dhe në shumë pjesë ka thjesht natyrën e një opinioni politik, po jo të një raporti hetimor.
Raporti është i mbushur me kontradikta që kanë të bëjnë me aktivitetin e supozuar dhe shpërfillës ndaj çdo pune të mëparshme të bërë nga ICTY. Një prej tyre është çështja e dy shtëpive famëkeqe: “Shtëpia e Verdhë”, për të cilën hetimi i ICTY nuk solli asnjë informacion dhe në Fushë-Krujë, ajo shtëpia e famshme ku gjoja merreshin organet. Por e cila, siç edhe citohet në raport, nuk kishte asnjë lidhje me aktivitetet e pretenduara. Kjo na shtyn të besojmë se raporti është më shumë TRILLIM POLITIK sesa hetim i bazuar në prova dhe kësaj Asambleje nuk i shkon për shtat diçka e tillë. Por pavarësisht nga natyra politike e raportit, duke pasur parasysh rëndësinë e akuzave, ne si delegacion shqiptar kemi paraqitur një sërë pikash, të cilat kërkojnë një riformulim të arsyeshëm të akuzave të nxjerra në Raport.
Mendojmë se thelbi i rezolutës nuk është të bëjë politikë me krimin e pretenduar, por të nxisë bashkëpunimin midis autoriteteve të drejtësisë, për të zbuluar nëse diçka e tillë ka ndodhur realisht. Kështu që le të hetojnë të gjitha vendet, dhe të heqim nga raporti konsiderata politike që njollosin njërën palë, pra SHQIPTARËT DHE UÇK-në. vPrandaj, unë i bëj thirrje Asamblesë të mbështesë ndryshimet e propozuara nga delegacioni shqiptar, të cilat kërkojnë një hetim të duhur të çështjes dhe të shmangë shpalljen fajtore paraprakisht të një organizate të tërë politike, PËR ARSYEN E VETME SE AJO LUFTOI PËR ÇLIRIMIN E NJË POPULLI TË SHTYPUR! Strasburg, 25 janar 2011
Pak ditë më parë, kryeministri Edi Rama kërkoi nga Asambleja Parlamentare e Këshillit të Europës që të rrëzonin akuzat kundër Kosovës dhe të pranojnë kërkesën e Shqipërisë, për një raport vijues ndaj atij të Dick Marty-t. Kreu i Qeverisë kërkoi rishikimin e Rezolutës 1782 (të miratuar në vitin 2011) për raportin e Dick Marty, për t'i shpallur të pabazuara akuzat e tij për trafikim të organeve njerëzore gjatë luftës së fundit në Kosovë. Rama e cilësoi raportin si një lajm të rremë që u shndërrua në rezolutë dhe që po dëmton Kosovën. Por kërkesat e kryeministrit shqiptar shkaktuan debate në seancën plenare, ku disa prej të pranishmëve i cilësuan “akuza të pashembullta”.
Enver Hoxhaj dhe Erion Veliaj HAGË- Kryebashkiaku Erion Veliaj ka zhvilluar një vizitë në Hagë ku ka takuar ish-krerët e...
Alastair King-Smith TIRANË- Ambasadori britanik në Tiranë, Alastair King-Smith u akuzua dje nga ish-kryeministri Sali Berisha si "nënsh...
Ilir Meta TIRANË- Kryetari i Partisë së Lirisë, Ilir Meta ka komentuar ditën e sotme në konferencë me gazetarët pro...
Partia Demokratike TIRANË- Partia Demokratike ka dërguar në Gjykatën Kushtetuese VKM e qeverisë për legalizimin e shtesa...
Enkelejd Alibeaj TIRANË- Grupi i deputetëve që mbështesin Enkelejd Alibeajn kanë depozituar ditën e sotme në Kuvend...
Lulzim Basha në SHBA SHBA- Ish-kreu i Partisë Demokratike, Lulzim Basha ndodhet në SHBA. Në disa foto të shpërndara në r...
Sali Berisha dhe Ilir Meta TIRANË- Data shënonte 4 tetor kur kryetari i Partisë së Lirisë, Ilir Meta shkoi me një valixh...
Ilir Meta dhe Nard Ndoka TIRANË- Takimi mes kryetarit të Partisë së Lirisë dhe atij të Partisë Demokristiane ësht&e...
Rama dhe Albin Kurti BERLIN- Kryeministri Edi Rama në Kongresin e Partive Socialiste në Berlin ku ndodhet edhe kryeministri i Kosovës A...
Christiane Hohmann dhe Bajram Begaj TIRANË- Presidenti i Republikës, Bajram Begaj priti ditën e sotme Ambasadoren e Bashkimit Evropian n&eum...
