VOA: Kryengritësit morën Damaskun duke i dhënë fund sundimit të hekurt 50-vjeçar të familjes Assad 8 Dhje...
"Regjimi me propagandën e tij, fliste çdo ditë për demokratizimin," Berisha: Vriste çdo javë të rinjt&eum...
Dita e Rinisë/ Ambasada e SHBA në Tiranë: Sot shënohen 34 vjet që kur të rinjtë shqiptarë u ngritën...
Shpërthimi me tritol në Vlorë, lokali në pronësi të familjes së Bledar Birçajt, i ekzekutuar tre vite ...
Jozefina Topalli, është në të drejtën e saj të ngrejë parti, të kërkojë dhe vota të djathta, në një kohë që energjitë e opozitës duhet të përqendrohen te rrëzimi i Rilindjes. Është në të drejtën e saj të bëjë ç’të dojë në një sistem ku rregullat dhe loja janë të barabartë. Por këtu nuk bëhet fjalë për të drejta, këtu bëhet fjalë për moral politik. Natyrshëm lind pyetja përse duhet një tjetër parti, me target elektoratin e djathtë gjashtë muaj para zgjedhjeve?
Zonja Topalli ka marrë gjithçka ka mundur nga ajo parti, për të cilën sot është angazhuar që të humbasë. Sepse, me nismën e saj ajo nuk po dëmton një person të cilin e anatemon prej vitesh, por një forcë politike të cilës i detyrohet jo pak. E ardhur që në vitin 1996, deri në vitin 2017, ajo ka qenë deputete zgjedhje pas zgjedhjesh, për të paktën pesë mandate.
Nënkryetare parlamenti, dhe më pas kryetare e këtij institucioni. Dyert e pushtetit hapeshin për çdo kërkesë të saj, dhe deri këtu, çdo gjë shkonte vaj. Shpërthimi i saj erdhi, fillimisht pas zgjedhjeve brenda në PD dhe më pas mori përmasat e urrejtjes kur pa që ishte lënë jashtë listave të përfaqësimit në vitin 2017.
Shkoi deri atje, duke kërkuar dorëheqjen e kryetarit të PD-së, vetëm dy ditë para nisjes së fushatës elektorale. Njësoj si t’u bënte thirrje mbështetësve të saj të bojkotonin ose votonin kundër PD-së. Që prej asaj dite, target ka qenë kreu i PD Lulzim Basha, madje, shumë më shumë se kryeministri aktual.
Por duke dashur të nxjerrim në pah moralin politik të kësaj lëvizjeje, lipset që të bëhet dhe ndonjë krahasim, që politikës shqiptare nuk i mungojnë. Në vitin 2017, në skenën e të majtës doli dhe një lëvizje politike e ngjashme me atë të zonjës Topalli që tenton të ndryshojë realitetin politik. Ishte ajo e Ben Blushit, ish-kryetar i grupit parlamentar të PS-së.
Ndryshimi me zonjën Topalli, ishte se zoti Blushi e godiste forcën e tij politike kur ajo ishte në kulmin e fuqisë së saj, dhe kur ai gëzonte privilegje dhe ishte pra në pushtet. Madje në shumë raste fjalimet e Blushit, ndiqeshin më shumë se vetë fjalimet e opozitës. Blushi për të paktën dy vjet nga viti 2015, dënoi të gjitha të pabërat e rilindjes, që nga kriminalizimi i parlamentit, droga e të tjera me radhë.
Shprehja e tij se “kur jam në këtë sallë më duket vetja sikur jam në paraburgim”, u bë e famshme. Madje ai për këtë sjellje mori dhe kërcënime nga ish-kryetari i Bashkisë Kavajë, i shkarkuar më pas nga ligji i dekriminalizimit. Për këtë arsye, sallat i mbusheshin plot me socialistë të zhgënjyer, jo si ajo e djeshmja e zonjës Topalli, ku gjysma ishin kameramanë.
Sot, Blushi i është rikthyer zanatit të tij, ka lënë politikën, dhe fundja askush s’mund t’i kërkojë shumë hesap për veprimet e tij. Ose mund të bëjmë një krahasim dhe me Vjosa Osmanin në Kosovë, e cila humbi vendin e saj si kryetare Parlamenti, pasi nuk pajtohej me politikat e partisë së saj. Ajo e dinte fare mirë se çfarë rrezikonte, ama betejën e kishte parimore.
Po zonja Topalli ku ka qenë tetë vjet, gjatë qeverisjes së PD-së. Dhe ajo qeverisje, ka pasur problemet e saj, natyrisht shumë herë më të vogla se qeverisja aktuale, por asnjë s’e vë në dyshim se ka pasur. A e ngriti ajo ndonjëherë zërin parimisht, si numri dy i asaj partie. Për shkak të arrogancës së saj dhe shumë të tjerëve, PD pati jo pak kosto. Sepse, duhet ta themi troç. Në rast se PS do humbasë për shkak të keqqeverisjes, PD në vitin 2013 humbi për shkak të sjelljes.
Zonja Topalli nuk e bëri asnjëherë këtë analizë, nuk e ngriti asnjëherë zërin si pjesë e establishmentit arrogant, të vendimmarrjes pa transparencë ku ajo kishte dhënë një kontribut jo të vogël. Pra, kur je në pushtet dhe me ofiq të lartë, gjithçka është ok. Kur i humbet ato, bëhesh kritizere.
Këtë analizë ajo nuk e bëri dhe pasi humbi pushtetin në vitin 2013, por ka ditur vetëm të kërkojë llogari . Gjithsesi ajo është në të drejtën e saj, të ngrejë parti por për të kërkuar votën e elektoratit të djathtë është shumë vonë. Të paktën të ishte ngritur në lartësinë e Ben Blushit, pra të kish folur atëherë kur duhej.
1 vit nga zgjedhjet e 25 prillit si e shikoni gjendjen e vendit:
Kjo ndodhi duke u kthyer me avion nga Rio për në Romë. Pas Takimit mbresëlënës Botëror të Rinisë në Copacabana në korrik 2013 Papa Françesku iu kthye gaz...
Ndër viktimat e para të agresionit serb në Bosnjën lindore kanë qenë shqiptarët. Njerëz punëtorë që kishin furra buke, byrektore, dyqane, lokale të vogla akullo...
1 vit nga zgjedhjet e 25 prillit si e shikoni gjendjen e vendit:View Results...
Uroj me shpirt që Covid-19 të mos prekë askënd!E para, sepse mbetet një SARS, pra një “sindromë e rëndë akute e frymëmarrjes”. Sot je mirë, nesër bëhesh për spi...
Vera 53 vjeçe nga Prishtina është kryefamiljare dhe e vetmja përgjegjëse për rritjen e katër fëmijëve të saj, qysh prej përfundimit të luftës në të cilën...
TIRANË– Kryeministri Edi Rama dje me zë dhe figure tha se vendet e rajonit nuk kishin dhënë më shumë para se Shqipëria për pandeminë e koronavirusit. Teksa...
Ka bërë përshtypje në opinionin publik një acarim i kreut të opozitës, Lulzim Basha, në daljet “batare” në konferencat për shtyp në selinë e PD-së. Nëse ulje vo...
Covidi tashmë mund të quhet zyrtarisht një fe. Selia qëndrore është OBSH-ja e cila koordinon mesazhin me kryepeshkopët lokalë, si Fauci në SHBA apo Pipero në Sh...
TIRANE– “La Croix” ka botuar, të premten e 21 dhjetorit 1951, në faqen n°3, një shkrim në lidhje me ndalimin e dhëmbëve prej floriri në Shqipëri nga regji...
Kreu i Partisë Demokratike ditën e djeshme kultivoi në diskursin e tij politik krahasimin me personazhe nga kinematografia, (Robert Çamçakëzi) as...
