Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në prag të zgjedhjeve të para pluraliste në Shqipërinë e vitit 1991, K.B një i burgosur politik i sapo liruar nga burgu erdhi tepër i shqetësuar në selinë e Partisë së sapo krijuar Demokratike dhe me një zë të mekur tha: Edhe mishin të ma presin unë nuk do votoj për Partinë e Punës. Po, atyre të shtëpisë i thashë të votonin Partinë e Punës, që mos vuajn pasojat si unë. Po pse e pyetëm? – Kanë vënë kamera në dhomat e fshehta. Ma tha operativi i zonës! Po sot 30 vite pas rrëzimit të komunizmit, a janë të lirë për të shprehur vullnetin e tyre me votë shqiptarët? Eksperienca e 30 viteve asnjëherë nuk ka lejuar që një parti të qeverisë më teper se dy mandate.
Por, asnjëherë në historinë e pakët pluraliste nuk kemi patur një situatë të tillë. Opozita asnjëherë nuk ka qenë në pozita kaq vunerabël karshi pushtetit. Parlamenti i sotëm është një kopje e llustruar e Kuvendit Popullor të Haxhi Lleshit ku pa asnjë hezitim mund të votohen edhe ligje të “leshit”, për ta çuar për skrap opozitën e vërtetë. Asnjëherë më parë ligji elektoral nuk është votuar vetëm me kartonat e maxhorancës. Media që në kushtet e pandemisë do të luaj një rol të madh në përcjelljen e mesazheve dhe programit te kandidatëve e partive garuese, është shndruar në një megafon të K/ministrit. Televizionet kombëtare që kanë edhe numrin më të lartë të shikuesve, ngjajnë me ERTV-në e Ramës si të ishin binjakë. Madje në Tv-në që mbahet si më i madhi në vend, opozita nuk figuron fare. Lajmet hapen dhe mbyllen me bëmat e K/ministrit dhe opozita përmendet vetëm kur ka ndonjë lajm “dorëheqje” nga Vlora. Kulmi i propagandës u shfaq teksa drejtuesja e emisionit politik publikoi një video që i erdhi nga një i panjohur, ku gjoja në një takim të maxhorancës nuk po respektoheshin kushtet e pandemisë. Në fakt thelbi ishte te disa gra LSI-te në Berat, që largoheshin nga partia për tu bashkuar me PS-në.
Policia e shtetit është shndruar në taksidare e rilindjes që nuk heziton të gjobisë opozitën për ndonjë anëtar më tepër në takime, po asnjëherë qeverinë. Edhe kur KQZ-ja gjobit Veliajn, gjoba anullohet më pas. Kanë kaluar disa muaj nga arrestimi i aktivistëve të teatrit dhe gjakosja brenda mbienteve të policisë të Donald Martinit. Ka ndonjë polic të proceduar penalisht? Figurat e respektuara të Najadës dhe Luljetës po përdoren si detergjent për të shpëlarë gjyhahet e keqqeverisjes. Po a mundet që portreti i pastër i Najadës të mbuloj zullumet e PPP-ve që janë shndruar në “Tiret” zhvatëse të xhepave të shqiptarëve? A mundet që portreti i respektuar i Luljetës, të mbuloj kullat gërvishtëse që po mbulojnë edhe orën e sahatit dhe rrënojat vajtonjëse të Teatri? A mundet që 7×7 = 42 e Lulit, të mbuloj 7×7=8.000.000 euro në xhepat e Vilmës edhe kur nuk bën fare analiza? Në mungesë të një bilanci të premtimeve me realizimet, K/ministri po përpiqet të “mbuloj diellin me shoshë” përmes propagandës dhe bullizmit të kundërshtarit. Ai më tepër ngjan me personazhin e Gogolit Pavël Çiçikov që mblidhte shpirtra të vdekur që nuk qene regjistruar ende për të tillë, në Rusinë e shekullit të 19-të! Zgjedhjet e 25 Prillit me shumë gjasa do të jënë një PPP më tepër në krushqinë e pushtetit të parasë së oligarkëve dhe favoreve të pushtetit.
Në prag të zgjedhjeve të 2005 (punoja për t-channel) u “zdrugova” nga policia e shtetit teksa raportoja përleshjen e banorëve të Kakomesë me policinë. Një përfaqësues hollandez i misionit të KE-së, më pyeti për ngjarjen si dhe mendimin tim për përmirësimin e situatës konfiktuale? I bëni presion politikanëve të të dy krahëve të ndryshojnë “Kodin e Punës”-iu thashë. Pse? Nëse gjykatat për pushimin pa të drejtë nga puna do kërkonin jo vetëm pagat e munguara, por edhe kthimin në vendin e punës, do ti hiqnin partive një pjesë të konsiderueshme të militantëve që “joshen” prej tyre vetëm për një vend pune. Për të përshkruar situatën e sotme elektorale do “nxjerr nga arkivi” një ngjarje reale të Janarit 1991. Mjeku onkolog Bert Asqeri erdhi me vonesë në një mbledhje që komisioni nismëtar i degës së PD-së bënte në shtëpinë e Dino Çiços, pasi ende nuk kishte seli. Pse vjen me vonesë Berti? – Pyeti kryetar Xhelua. Berti që shquhej për humor u përgjigj: Situata jashtë është shumë e tensionuar. Grupe të besnikevë të Enverit janë gati të na shqyejn së gjalli. Unë nuk do tregoj asgjë për ju edhe po të më torturojnë…po, po më vunë vezët e ziera në sqetulla, i thashë të gjitha. Këtë torturë nuk e duroj dot. Në fakt sot vezët e ziera i kanë në dorë oligarkët që mund të na i servirin me salcë floriri nga ajo e Nusretit, që t’i japim votën pushtetit. Pa harruar këtu Cyrbet dhe Rrahjat, që dyshohen se i bien cyrbes me botën e errët të krimit!
1 vit nga zgjedhjet e 25 prillit si e shikoni gjendjen e vendit:
Dhjetë vjet prej fillimit të dialogut Kosovë-Serbi ka ardhur koha që ai të jetë produkt edhe i dialogut BE-NATO, në mënyrë që Rusia më të mos e ketë të drejtën ...
Punonjëses humanitare britaniko-iraniane Nazanin Zaghari-Ratcliffe të dielën i është hequr etiketa në kyçin e këmbës, pas skadimit të dënimit të saj pesë...
KORÇË- Presidenti Ilir Meta, gjatë vizitës së tij të sotme në Korçë, me rastin e 7 Marsit ka surprizuar edhe “korçarin më të famshëm” ...
Rekrutimet e fundit të Edi Ramës, Najada Çomo dhe Luljeta Bozo, u shndërruan në lajmin e ditës dhe me të drejtë i dhanë një ngritje të ndjeshme pikësh. E...
Si pasojë e zgjedhjeve që ne shqiptarët kemi bërë, por dhe me ndihmën e shumë kriminelëve si tek dosja 184, sot ne kemi një kryministër i cili nuk kontrollon ve...
Hezitimi ndaj vaksinave po vë në rrezik përparimin kundër Covid-19. Që bota të frenojë virusin, duhet të luftohen dyshimet, shkruan The Economist.Kur erdhi lajm...
Ftesa e opozitës për të futur Prokurorinë Speciale (SPAK) në fushatën elektorale, është më shumë se rënie në një kurth që ka ngritur maxhoranca. Rilindja e ka f...
TIRANË– Nëse do të kuptosh atë që Edi Rama ka vërtetë frikë, atëherë duhet të lexosh mes rreshtave të fjalimeve të tij. Duke hapur “de facto” fushatën, me ...
MAQEDONI E VERIUT- Kryeministri Zoran Zaev papritur të mërkurën kërkoi nga parlamenti një seancë votëbesimi për kabinetin e tij. Shumica e ngushtë parlamentare ...
Albin Kurti duket se po përballet me krizën e parë diplomatike akoma pa marrë detyren e Kryeministrit të Kosovës. Është një krizë e paralajmeruar në fakt, ...
