LIVE UPDATES
Editorial

Ben Blushi: Nëse Donbasi i bashkohet Rusisë, pse Kosova të mos i bashkohet Shqipërisë

13 Prill 2022, 10:52 Nga DOSJA
Ben Blushi: Nëse Donbasi i bashkohet Rusisë, pse Kosova të mos i

Janë dy komplekset kryesore të shqiptarëve.

E para, që jemi të vegjël.

Pra jemi një vend pa peshë, që nuk ka bërë shumë prokopi, s’ka shpikur asgjë, s’ka patur ekonomi të fortë, nuk ka patur ushtri, nuk ka pushtuar dot një vend tjetër, por vetëm është pushtuar dhe prandaj ka humbur territore dhe popullsi, e prandaj nuk ka patur mundësi të vendosë për fatet e veta e jo më për ato të botës.

Ky është kompleksi i territorit.

Kompleksi i dytë, është kompleksi i përkatësisë.

Megjithëse jemi europianë nuk jemi ndjerë pothuajse kurrë të tillë.

Jemi pushtuar nga Lindja, jemi pushtuar nga Perëndimi, por asnjëra palë nuk na ka njohur si europianë të vërtetë.

Kjo është gjeneza e problemeve tona.

Është nëna e të gjitha problemeve.

Ku jemi? A jemi ata që mendojmë se jemi?

A mendojnë të tjerët se ne jemi, ata që nuk jemi?

A jemi ata që besojmë se jemi?

Normalisht një vendi i duhen shekuj për të shpëtuar nga komplekset që ka dhe shekujt në rastin tonë kanë kaluar.

Por po ashtu, një vendi i duhet dhe pak fat, që ne s’e kemi patur.

Megjithëse unë nuk kam shumë besim se mund të shpëtojmë shpejt nga komplekset tona, ndoshta fati po na troket në derë.

Lufta në Ukrainë mund të jetë një shenjë e fatit të kthyeshëm.

Sot Europa ka vetëm një shqetësim.

Si të bashkohet, të mblidhet rreth vetes, të forcojë kufinjtë për t’u mbrojtur nga Rusia. Kjo krijon natyralisht një ndjenjë të fortë uniteti që europianët nuk e kanë shumë natyrale.

Uniteti nuk është një virtyt europian, ndërsa për­çarja është vesi i tyre.

E megjithatë, Europa sot ka nevojë për vende tampon në kufi me Rusinë.

Finlanda, Ukraina, Balltiket, Ballkani në përgjithësi, janë zona tampon.

Kjo nënkupton që edhe nëse luftohet në këto zona, nuk luftohet në Gjermani, në Francë, në Hollandë apo Itali.

Së fundi, Finlandës dhe Suedisë po u kërkohet t’i bashkohen NATO-s.

Ajo që mund të parashikohet lehtësisht është se Europa mund të shpejtojë procesin e zgjerimit në Ballkan.

Me Shqipërinë, Maqedoninë dhe Malin e Zi.

Nëse ky gjykim kthehet në aksion, Shqipëria ka shanse të kapërcejë në një vit pengesa të cilat ia vuri vetes, apo të tjerët ia vunë asaj në dhjetë vitet e fundit.

Në këtë kontekst, nevoja për një Europë më të madhe mund ta favorizojë Shqipërinë, por më vonë edhe Kosovën.

Ky do ishte një shpërblim i madh për njerëz si unë, të cilët dolën nga komunizmi në moshën e fëmijëve të tyre sot, dhe mund të bëhen formalisht europianë në moshën e prindërve të tyre dje.

Megjithëse jam rritur me besimin, se për ne shqiptarët nuk ka asgjë më të shtrenjtë se Europa, në këto tridhjetë vjet zhgënjime, kam mësuar diçka që më detyron të jem një besimtar i tërhequr.

Mos i beso kurrë Europës. Sa më afër duket, aq më larg është.

Nëse varka për të kaluar në Europë është zhvendosur nga Mesdheu në Ukrainë, në Detin e Zi, në këtë tragjedi ne shqiptarët do gjenim një ngushëllim.

Sa herë rusët zbresin në Europë, ne humbim diçka.

Shpresoj të mos jetë kështu në këtë shekull.

Në shekullin e kaluar, kur rusët zbritën dhe luftuan në Europë, ne u bëmë një vend komunist. Ndoshta fati e do që herën e dytë, kur ata kanë zbritur në Ukrainë, ne mund të bëhemi një shtet europian.

Siç thashë, ndoshta mund të jenë dy avantazhet për Shqipërinë nga lufta në Ukrainë.

E para, mund të anëtarësohemi më shpejt, duke hequr qafe fjalën e shëmtuar integrim që ngjan me ingranim. Sikur shtypesh nga një ingranazh dhe deformohesh.

Ne nuk duam më të integrohemi.

Ne duam të anëtarësohemi.

Me të drejta të plota në Bashkimin Europian.

Nëse ukrainasit janë vrarë edhe për ne, ua kemi borxh.

Ukraina mund ta ketë nxjerrë Shqipërinë nga rivaliteti historik me Serbinë.

Një dekret europian i pashkruar, që ka qenë gjithmonë në fuqi, thoshte se pa u zgjidhur çështja e Kosovës, as Shqipëria as Serbia nuk do mund të hynin në Bashkimin Europian.

Ukraina për herë të parë në histori, mund ta ketë grisur këtë dekret të shkruar nga anglezët, francezët dhe rusët, pas luftërave me njëri- tjetrin.

Duke u rreshtuar me Perëndimin kundër Rusisë, Shqipëria mund të ketë avancuar në garën e vjetër me Serbinë. Ndërsa, kjo e fundit padyshim që ka humbur.

Pyetja që europianët kanë sot është kjo:

A mund t’i jepet e drejta e votës Serbisë, në Bashkimin Europian, në kushtet kur ajo nuk është autonome nga Rusia? Kjo do të thotë që Putin të ketë të drejtën e vetos çdo ditë në vendimmarrjen e Bashkimit Evropian.

Ky tmerr për europianët është një ferr. Edhe në gjumë.

Por në betejën e Ukrainës, Serbia ka humbur jo vetëm në raport me Shqipërinë por edhe me Kosovën.

Ky është avantazhi i dytë në qiellin europian të Ukrainës, ku Kosova mund të jetë një horizont më i afërt për ne.

Kur flas për Kosovën, nuk e kam fjalën që ky shtet, mund të përfitojë diplomatikisht duke zgjeruar listën e njohjeve.

E çfarë i duhet Kosovës nëse e njohu Qipro apo jo? Dhe bashkë me Qipron Greqia apo Spanja?

Fitoret diplomatike sot duken si qershi pa tortë. Pra nuk kanë vlerë, sepse nuk të ngopin.

Kosova ka vetëm një dalje nga hallet e një vendi shumë të vogël, pa det, me ekonomi modeste, me shumë emigracion dhe me aq shumë presion kufitar nga të gjitha anët.

Të bashkohet me Shqipërinë.

Ky do ishte një shpëtim për Kosovën dhe natyrisht edhe për Shqipërinë.

Një vend më i madh me 5 milion banorë, me det dhe me një diasporë pothuajse 3 milion, e cila do energjizohej nga bashkimi kombëtar, do ishte një vend i fuqishëm dhe jo vetëm i respektueshëm.

Dhe jo vetëm në Ballkan.

Nëse Dombasi dhe Luhansku i bashkohen Rusisë, pse jo Kosova të mos i bashkohet Shqipërisë.

Kosova është kthyer në seminar, në debatin diplomatik të pas Luftës së Ftohtë.

Kur Rusia kërkon pavarësi, për Dombasin dhe Luhanskun, dy territore të Ukrainës me shumicë ruse, ajo merr për shembull shkëputjen me dhunë të Kosovës nga Serbia. Putini luftoi në Krime dhe sot në Dombas dhe Luhansk me flamurin e Kosovës, pra duke marrë çlirimin e Kosovës nga Perëndimi, si shembull.

Nga ana tjetër, kur Perëndimi kërkon të mbrojë rendin e ngurtë ndërkombëtar në fuqi, sipas të cilit, nuk duhet të ketë më ndryshime kufinjsh, merr për shembull Kosovën.

Pra, që rendi ndërkombëtar mos vihet në pikëpyetje, Kosova dhe Shqipëria nuk duhet të bashkohen.

Këtë thotë Perëndimi dhe Rusia.

Dhe ne e pranojmë.

Por luftërat bëhen që rendi ndërkombëtar të ndryshojë. Kjo është edhe arsyeja e luftës në Ukrainë.

Prandaj arsyet e vjetra kanë rënë. Ose do bien.

Kush ka sot një arsye bindëse, se pse Shqipëria me Kosovën nuk duhet të bashkohen?

A mund ta pretendojë këtë një gjerman? Jo.

A mund ta thotë këtë një rus? Sigurisht që jo.

Po pse duhet ta thotë një grek apo një italian apo një belg?

Absolutisht jo.

Prandaj ka ardhur koha për t’u bërë një vend më i madh.

Një vend më i fortë dhe më vital, hapësirat dhe pasuritë e të cilit na mjaftojnë për të jetuar këtu dhe për të mos ikur. Madje na mjaftojnë edhe për t’u kthyer nëse kemi ikur.

Asnjëherë në histori, nuk na ka ndodhur që kur të tjerët luftojnë ne fitojmë. Ndoshta është ky rasti.

Ka ardhur koha të pengojmë të tjerët të na pengojnë të zmadhohemi.

Vetëm ne vetë mund ta pengojmë bashkimin dhe mes nesh nuk ka pak që do e bëjnë, kur t’i vijë koha, por kjo frikë nuk mund ta shëmtojë këtë shpresë.

Sot është koha për t’u rritur. Është koha për t’u zmadhuar. Është koha për t’u bashkuar.

Është koha për t’u bërë europianë.

Siç jemi. Siç duhet të jemi. Siç do jemi.

*Shënim: Marrë nga Facebook-u i autorit

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

editorial editorial ben blushi lufta ne ukraine ben blushi lufta ne ukraine

Sondazh

Poll
Editorial 9 Prill 2022, 10:28

Etyd nga Kongresi i PS !

Nga Agron GjekmarkajSot Kryeqyteti u zgjua në festë! Partia Socialiste ka kongresin e saj të disatë ! Në Zog të Zi u shfaq Frida Krifca me akademinë e barinjve ...

Editorial 7 Prill 2022, 10:59

Demokracia e fantazmave të Edi Ramës

Nëse “Këshillimi Kombëtar” do të bëhet vendim-marrës, do të jetë hapi i fundit drejt eliminimit të demokracisë. Kur nisi ky proces, askush nuk mendoi se përtej ...

Editorial 4 Prill 2022, 17:00

Manifestim në solidaritet me Ukrainën

Nga Florion MetohuNë datën 8 prill ora 12:00, në sheshin Skënderbej do të mbahet një manifestim për tu solidarizuar me popullin ukrainas, ndaj të cilit po shkak...

Editorial 4 Prill 2022, 11:48

Pushteti i anormalitetit

Nga Blendi KajsiuNë 30 vite tranzicion asnjë qeveri nuk i ka premtuar shqiptarëve normalitet aq shumë sa qeveria socialiste e Edi Ramës. Ashtu sikurse asnjë qev...

Editorial 3 Prill 2022, 12:32

Quiz social-politik!

Nga Agron GjekmarkajZëri i tij në 31 vjet pluralizem si ka munguar kurrë publikut shqiptar! Ai kur flet gjemon, sokëllin, vikat , mundohet, sforcohet për tokën ...

Editorial 2 Prill 2022, 11:45

Kush e ka fajin që dështojnë protestat

Paaftësia për të protestuar mori një konfirmim dramatik me dështimin e protestës së fundit. Ata që thirrën protestat e para, nuk mundën ta përsërisnin suksesin,...

Editorial 1 Prill 2022, 11:36

Kriza e autoritarizmit e Putinit

Nga Holman W.Jenkins, Jr.Në pamje të parë, mund të duket i habitshëm fakti që ukrainasit kanë luftuar kaq mirë ndaj rusëve. Por nuk ishte për t’u habitur që ata...

"E donte të ngrirë", Berisha: Rama nuk do donte t’ia linte partinë pas zgjedhjeve Veliajt!

"E donte të ngrirë", Berisha: Rama nuk do donte t’ia linte partinë pas zgjedhjeve Veliajt!

"Ka edhe prokurorë të ndershëm e kurajozë",Berisha:SPAK është organizatë kriminale, flenë mbi krimin

"Te hoteli i Veliajt ka pjesë edhe Olsi",Berisha:Pse nuk u arrestua Erioni për djegësin 130 mln euro

"Shkalloi kur përmendi LaCivita-n", Berisha: Rama është tmerruar se ka hallin e vet, jo të Veliajt

"Berisha u persekutua njëlloj si Trump"/ Kreu i PD: Mesazhet e LaCivita kanë domethënie të madhe

Berisha: Chris LaCivita është kryetar i komitetit kombëtar të Partisë Republikane të Donald Trump

Takimi në Romë, Berisha: Ishte dëshmia më e sigurt e fitores së ardhshme të PD-së

"Drejtësia ishte e kapur", Rama: Dumani e ka pasur në tavolinë 21 janarin edhe kur ishte prokuror

Rama për arrestimin e Veliajt: Trajtohen si kriminelë kryetari i bashkisë dhe e shoqja

"Fuck you", shpërthimi i pazakontë gjatë kohës që ishte drejtpërdrejt, Rama: Kështu e kam unë

Rama: Heshtja jonë për 5 vjet është keqkuptuar edhe nga konsumatorët e reformës në drejtësi

Arrestimi i Veliajt/ "Nuk do t'i mbaj më për vete opinionet e mia", Rama: Heshtja jonë i ka ndihmuar

Drejtuesi i fushatës së Trump do të udhëheqë fushatën e opozitës, Rama: Shpallën fitoren se...

Arrestimi i Erion Veliajt/ Zhupa: Ky është fati i atyre që nuk punojnë për shqiptarët

Arrestimi i Veliajt/ Berisha pas daljes nga Kuvendi: Qeveria mori goditjen më të rëndë!

Arrestimi i Veliajt, Pandeli Majko:Ndihem në pozitë të vështirë, përballë vetes dhe historisë së PS!

Arrestimi i Veliajt/ Noka thumbon mazhorancën në Kuvend: Ju ka rënë një hije vdekje!

"Bëj një kallëzim në Prokurorinë e Posaçme!" Balla-Berishës: Ti të ngre nervat edhe kur të sheh

"Linda Rama është marrë me tenderat e AKSH-it"/ Berisha akuza të forta në Kuvend

“Do nxjerr fotot”, Berisha akuzon Niko Peleshin: Pse ia thyeve këmbën truprojës tënd në Selanik

Berisha thirrje Ramës nga Kuvendi: Nuk mund të fshihesh pas fustanit të Ajola Xoxës!

Berisha thirrje Ramës nga Kuvendi: Nuk mund të fshihesh pas fustanit të Ajola Xoxës!

"Te Erioni do shkosh edhe ti"/ Tensione në Kuvend, Berisha replikon me Spiropalin

Përplasje në foltore, Noka shtyn Gardistin, Spiropali: S'ke pse më afrohesh!

Spiropali i ndërpret fjalën Berishën, nisin tensionet në Kuvend

Arrestimi i Veliajt/ Deputeti socialist - opozitës: E keni quajtur SPAK-un organizatë kriminale

Arrestimi i Erion Veliajt/ Policia e Shtetit vendos barrierë për të mos u dukur

"Zero taksa për këdo që rikthehet në Shqipëri!", Berisha: Ju do jeni aksionerët e transformimit

"Fitorja e Trump ishte mrekulli", Berisha: Presidenti amerikan i ka ndaluar kukullës së Soros

Berisha thirrje shqiptarëve: Më 11 maj të votojmë për të shpëtuar Shqipërinë nga kthetrat e Ramës

"Rama ia ka dorëzuar shtetin krimit",Berisha:Nëse fiton dhe një mandat,Shqipëria nuk do të ekzistojë

Takimi me shqiptarët në Romë, Berisha: Italia i ka dhënë Shqipërisë një ndihmë të jashtëzakonshme

Takimi me emigrantët / Gjekmarkaj: Zgjedhjet e 11 Majit moment kritik për të ardhmen e Shqipërisë!

Noka: Regjistrohuni, është e vetmja mënyrë ti ktheni reston regjimit që ju largoi nga Shqipëria

"Pse Dumani nuk heton Veliajn?"/ Meta: Në prag të çdo zgjedhjeje Rama premton mashtrime të reja

"U vendosa në arrest me urdhër të Ramës"/ Berisha: Krimin, prokurorinë e gjykatat i kemi kundër

Berisha bën ftesë për bashkim: Ju garantoj se PD po bën gjithçka për frontin më të gjerë opozitar

Berisha: Trump ia preu kokën gjarprit të Sorosit! Nuk fiton kush më shumë nga kjo se ne shqiptarët

Berisha: Pas 11 majit, çdo pensionist do marrë të paktën 200 euro. Rroga mesatare do jetë 1200 euro

“Pas zgjedhjeve do ta paketojmë te McGonigal!" Berisha në protestë: Ramën e ka tmerruar programi ynë

Berisha: Ahmetaj u tha shqiptarëve se kryeministri dhe qeveria funksionojnë si organizatë kriminale

"Në Gjermani mezi po presin fitoren e PD!" Berisha: Menduan se do na trembnin, por gabuan rëndë

Berisha në protestë: Ne kthyem në hi ëndrrën e Ramës dhe Soros për një Shqipëri pa opozitë

"Një vit më parë kam folur në protestë si i burgosur politik",Berisha:Në pak kohë,ne kemi bërë shumë

Flet në protestë/ Meta nga burgu: Ahmetaj tregoi aferat e Ramës, bujqësinë e ka futur në humnerë

"Dhurojnë toka të bregdet për të bërë resorte luksi"/ Duka:Kjo qeveri mbulon abuzimet me propagandë!

"Sot qeveria tallet me pensione qesharake!" Mediu në protestë: Ne nuk jemi këtu për pushtet

Garo: Jemi këtu për t’i dalë zot Shqipërisë, për të treguar se ka ardhur koha e ndryshimit të madh

Berisha lë selinë blu, i bashkohet qytetarëve në protestën para kryeministrisë

Berisha: Një dëshmi si e Ahmetajt do kishte rrëzuar çdo regjim në 3 ditë