Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Emisioni Stop ka shkuar në fshatin Komar të Njësisë Administrative Buz, rreth 20 kilometra larg Memaliajt. Qytetari Xhemil Xhafa ka një problematikë. Shtëpinë e tij e kishte lënë kundrejt pagesës për të shërbyer si shkollë. Por nga viti 2018, kur dhe kjo shtëpi funksionoi si shkollë, nuk ka marrë pagesën deri në vitin 2020.
Xhemili tregon se në atë kohë nuk kishte lidhur një kontratë me shkrim me Drejtorinë Arsimore, pasi nuk kishte certifikatën e shtëpisë.
Certifikata ka dalë në 2020 dhe ka marrë pagesën për vitin 2020-2021, por jo për 2018-2019. Pagesa që duhet të marrë është 50 Lekë për metër katror, pra 47 mijë Lekë të vjetra në muaj.
Ai shprehet se Bashkia e Memaliajt nuk ia jep duke e sorollatur.
“Problemi qëndron se në 2018 unë këtë shtëpi ma kanë kërkuar për shkollë dhe e kam dhënë për shkollë. Mirëpo kemi bërë një marrëveshje me Drejtorinë Arsimore, nuk e kemi bërë me dokumente. Mirëpo problemi qëndron se nga 2018, 2019 dhe 2020 mua nuk më paguajnë. Kam patur dokumente për këtë shtëpi, e kam nxjerrë certifikatën nga Hipoteka, mirëpo e kam nxjerrë pak me vonesë. Certifikatën e shtëpisë e kam marrë në Janar 2020. Drejtoresha e shkollës ka dhënë një dokument që nga viti 2018 deri më sot që është në vazhdim që kjo ka funksionuar dhe funksionon si shkollë. Mirëpo problemi është me bashkinë. Më kanë sorollatur, i kam vajtur tek kryetari, te nënkryetarja, te juristi, kam vajtur te të gjithë dhe më kanë dërguar secili më thotë shko te ai dhe si përfundim nuk më kanë dhënë asnjë zgjidhje. Pagesë kam marrë Shtator 2020 dhe 2021. Shuma e ambientit është 50 Lekë/mëtër katrorë. Unë kam 94 metër katrorë dhe i bie 47 mijë Lekë të vjetra në muaj. Dhe këto nuk m’i japin për periudhën që kjo është shkollë. Nuk ka pasur një kontratë më përpara se mua më ka kërkuar certifikatën e pronësisë së shtëpisë. Unë kam vajtur kam pyetur në Hipotekë dhe më kanë thënë që shtëpia figuron mbi emrin tënd dhe kam vajtur në bashki u kam thënë që shtëpia është në emrin tim dhe ata më kanë thënë që kur të biesh certifikatën e shtëpisë, ne do t’i likujdojmë. Mirëpo faktikisht ata nuk e kanë bërë këtë. Unë kërkoj që të marr pagesën e këtyre viteve që nuk m’i kanë dhënë“, shprehet qytetari Xhemil Xhafa.
Drejtoresha e shkollës që e ka përdorur atë ambient e konfirmon faktin se shtëpia e qytetarit është përdorur si shkollë.
“I bëmë një kërkesë bashkisë, për të na rregulluar një ambient.Drejtoria Arsimore thjesht e ka hapur, duke informuar ne që është ky ambient atje dhe s’ka tjetër. Ne kemi informuar, që do ta hapim këtu. Është konfirmuar si shkollë”, shprehet drejtoresha.
Në Bashkinë e Memaliajt, nënkryetarja i thotë Xhemilit se kanë kaluar paratë e vitit 2018, por më pas shprehet, se nuk i takojnë.
Denoncuesi: Ca u bë për atë?
Punonjësi: Kaloi ajo, kaloi.
Denoncuesi: Do t’i marr ato?
Punonjësi: Do t’i marrësh, vetëm fol me financën ku merren lekët!
Denoncuesi: Për ato vitet e para?
Punonjësi: Nga 2017-ta.
Denoncuesi: Nga 2018-ta…Domethënë 2018 e këtej?
Punonjësi: Po, po!
Denoncuesi: Po me kë të flas tani unë?
Punonjësi: Tani fol me financën!
Denoncuesi: Tani ato kanë kaluar vetëm 2020, 2021-shin kanë kaluar.
Punonjësi: Epo i hedhin më mbrapa, avash-avash. Ke shpenzime të tjera, nuk i hedhin dot direkt këta. Për të marrë, do i marrësh ato. E kupton? Se nuk t’i hedhin dot direkt. Do t’i hedhin pak nga pak.
BISEDA ME NËNKRYETAREN
Denoncuesi: Unë kam problem për ato dy vitet e para.
N/kryetarja: Nuk i merr dot ato, se janë me prapaveprim.
Denoncuesi: Nuk i marr dot ato?
N/kryetarja: Nuk e di! Ne s’kemi qenë në punë, në 2016-ën.
Denoncuesi: Po jo në 2016-ën, në 2018-ën.
N/kryetarja: Po në 2018-ën s’kemi qenë. Kemi ardhur në 2019-ën. Ky është vendimi, që është lejuar marrja, po e kanë një vendim. E kanë këta një vendim. Në 2016-ën është marrë një vendim për marrjen e shkollës me qera. E ke certifikatën, po në atë kohë, që do lidhje kontratën, nuk e kishe certifikatën.
Denoncuesi: Po mirë, objekti pse u mbajt?
N/kryetarja: Tani, unë ta kam mbajtur?
Denoncuesi: Po kush e mbajti?
N/kryetarja: S’kam qenë po të them. Mungesa e certifikatës të ka penalizuar për gjithë këtë.
Ndërsa kryetari i Bashkisë Memaliaj i thotë gazetares së emisionit “Stop” zotëria do të ketë përgjigje zyrtare dhe do të marrë pagesat siç e parashikon ligji. Ai shprehet se nuk ka qenë kryetar në kohën kur objekti është dhënë me qira.
Gazetarja: Për muajt nga 2018-ta dhe më vonë nuk i kanë dalë.
Kryetari: Do të trajtohet nga zyra juridike, sepse pagesa e këtyre rasteve, jepet me vendim të Këshillit Bashkiak.
Gazetarja: Zoti Xhemil ka ardhur disa herë këtu dhe i është thënë do merret tani, nuk merret, se s’ke pas certifikatën atëherë.
Kryetari: Do zbatohet ligji.
Gazetarja: Pse nuk është zbatuar deri tani?
Kryetari: Të lutem, do të zbatohet ligji.
Gazetarja: Pse nuk është zbatuar deri tani? Zotëria vërtet e ka marrë certifikatën në 2020-ën, por është e regjistruar në 2018-ën dhe e ka patur pronën me ligjin e trojeve, pra ka figuruar në emrin e tij. Dhe ju keni një vërtetim nga zyra arsimore, që tregon, që në vitin 2018-2019, 2020-2021 mësimi është zhvilluar dhe po zhvillohet në ambientin e pronarit Xhemil Xhafa. Pra, e vërteton, që prona ka qenë e zotërisë.
Kryetari: Do trajtohet nga Këshilli Bashkiak.
Gazetarja: Kur do trajtohet?
Kryetari: Sipas procedurës. Si mendon, se do ta trajtojmë tashti? Do trajtohet sipas ligjit!
Gazetarja: Ta trajtoni tani! E di cila është më qesharake? Se është 500 lekë të vjetra për metër katror, zotëria vonohet kaq shumë.
Kryetari: Në qoftë se s’është në plan, do kalohet në mbledhjen e rradhës së Këshillit Bashkiak. Unë në 2018-ën nuk kam qenë kryetar bashkie.
Gazetarja: Që s’ke qenë, s’do të thotë, që do t’ia hedhësh fajin atij, që ka qenë më përpara.
Kryetari: Tani, se s’ka funksionuar atëherë, letrat, që i ka sjellë me vonesë, kjo s’do të thotë, që ai do marri lekët, sipas ligjit, sa i takojnë.
Gazetarja: Po mirë, nga 2018-ta, sa vite kanë kaluar?
Kryetari: Të lutem, po të them, që ai do marri lekët sipas ligjit.
Gazetarja: Dhe për pjesën e 2018-2019-ës?
Kryetari: Po sic e lejon ligji, unë nuk mund të them. Nuk jam jurist.
Gazetarja: Po tani mua më duhet një përgjigje nga kryetari i bashkisë, nuk më duhet përgjigje nga një punonjës, që nuk ia ka idenë. Se ju kështu po flisni. Sic e ka ligji, nuk e di.
Kryetari: Do ta marri përgjigjen sipas ligjit. Kaq!
Gazetarja: Si e ka ligji?
Kryetari: Do ta marrësh përgjigjen me shkrim.
Gazetarja: Ka tre vite, që merr përgjigje të ndryshme. Si e ka ligji për këtë rast? Do e përfitojë, apo jo?
Kryetari: Mbaruam bashkë, të lutem! Ato procedura, që janë vonuar do të zgjidhen.
Gazetarja: Dhe do t’i marri lekët?
Kryetari: Patjetër!
Marrë nga tvklan.al
Iftar dhe politikë, a u prek Muaji i Ramazanit nga politikanët?
Në Tiranë, Organizata Monitoruese Open Data Albania publikoi një studim, sipas të cilit detyrimet e buxhetit të shtetit ndaj koncensioneve dhe PPP-ve kanë shkua...
TIRANË– Shefi i Urgjencës, Skënder Brataj ka përgatitur një listë me këshilla për të gjithë qytetarët në mënyrë që të mos ndikohen nga temperaturat e...
TIRANË– Mbi 9200 shkelje janë konstatuar gjatë vitit të kaluar në sistemin e prokurimeve publike, në sistemin e tatim-taksave, apo edhe sa i takon mo...
Nga zbatimi i fazës së dytë të fiskalizimit kanë kaluar 2 javë dhe kontabilistët sërish ngrenë shqetësimin se bizneset po hasin çdo ditë vështirësi për l...
Ministria e Infrastrukturës dhe Energjisë sqaroi së fundmi operatorët ekonomikë lidhur me disa çështje që kanë të bëjnë me tenderin për ndërtimin e tunel...
Këshilli Kombëtar i Territorit miratoi këtë javë një listë të gjatë me vendime që japin leje ndërtimi apo zhvillimi në disa projekte të rëndësishme qoftë në inf...
Sistemi i Prokurimit Publik rezultoi një nga fushat me problematike në drejtim të respektimit të rregullave dhe bazës ligjore për tenderimin e fondeve publike.P...
GJERMANI- “Zonja dhe zotërinj, mirëserdhët në bord,”-ky do të jetë një mesazh që nuk do ta dëgjoni më gjatë fluturimeve me Lufthansa.Kompania gjerma...
Në Fiks Fare mbërriti një denoncim nga një qytetar i cili kishte hasur probleme me Kartën e Identitetit. Në momentin që ai ka rinovuar ID e tij pranë zyrave të ...
TIRANË– Nga 1 korriku nisi faza e dytë e fiskalizimit për transaksionet pa para në dorë mes subjekteve. Në këtë fazë përfshihen 34 mijë subjekte. Tek...
