Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sondazhet flasin, por diçka stonon. Sepse nëse Rama iu beson sondazheve dhe gara është kaq e lehtë dhe e mbyllur pse do të duhej një angazhim kaq i madh i makinerisë elektorale dhe asaj mediatike.
TIRANË- Rezultati i zgjedhjeve lokale të 14 majit duket i çimentuar. I pari e ka çimentuar kryeministri, që deklaron se skenari minimal i fitores i jep socialistëve 50 bashki. Së dyti, janë sondazhet e publikuara në disa televizione ku parashikohet rezultati paraprak i të dielës. Sondazhet deri më tani, parashikojnë një fitore të kryebashkiakut Erion Veliaj përballë Belind Këlliçit, me mbi 50% të votave, ndërsa gara pasqyrohet e mbyllur edhe në disa qarqe të tjera si Lezha, Korça, Elbasani apo edhe Durrësi. Në këtë klimë, bombardimi televiziv dhe mediatik për një ndeshje që do të luhet por rezultati parcaktohet, të jep përshtypjen se 14 maji është i mbyllur.
Por diçka stonon. Sepse nëse Rama iu beson sondazheve dhe gara është kaq e lehtë dhe e mbyllur pse do të duhej një angazhim kaq i madh i makinerisë elektorale dhe asaj mediatike.
Për ta thjeshtuar atë që nuk përtypet kaq kollaj, pyesim sesi ka mundësi që vetëm 1 ditë para mbylljes së fushatës, në një nga televizionet kombëtare u desh të dilte edhe një fallxhore për të na bindur se Erion Veliaj do të fitojë bindshëm dhe se Sali Berisha do të vdesë në fund të vitit.
Parada vazhdon me një tjetër sondazh ku qytetarët kishin votuar masivisht kundër premtimit të Këlliçit për transport publik falas, pasi sipas tyre, ky ishte një propozim shumë i kushtueshëm. Qytetarë ekonomikë, as kjo nuk është shaka. Në këto kushte, pse do ti duhej një partie që fiton pa asnjë problem, përballë maskave të “nongratave” të inskenonte një spot elektoral ku dy rivalët politikë i krahason me një majmun dhe një krokodil?
Pse do të duhej që ambasadorët në vend të takonin vetë drejtuesit e policisë për të përçuar mesazhin e marrjes me seriozitet të çdo denoncimi për krim zgjedhor, nëse indicie për to nuk do të kishte?
Për gati 3 javë, nga jugu në veri, përditë ka denoncime sesi persona me probleme me ligjin përfshihen në mbështetje të kandidatëve në pushtet, edhe pse jo vetëm, për të garantuar blindimin e votës. Kryebashkiakja e Roskovecit, Majlinda Bufi u filmua nga Piranjat teksa kërcënonte një qytetar për të mos dalë në votim, në rast se vota nuk ishte për të. Deviza u përforcua nga Kryeministri. Nëse vota nuk është për PS, askush mos të dalë nga shtëpia. Por pse, nëse zgjedhjet u fitokan nga premtimet dhe mrekullia e të ecurit përpara në këto 4 vite?
Në Mat, një problem i dy qytetarëve me një zyrtar të Kadastrës u denoncua nga Agron Malaj, kryebashkiak i PS si incident zgjedhor, meqë kandidatët kishin angazhim me Bashkë Fitojmë, edhe pse palët kishin prej kohësh probleme me zyrtarin për mosregjistrimin e pronës së tyre.
Në Pukë, kandidati i Bashkë Fitojmë denoncoi se kërcënimet kishin arritur në përdorimin e qytës së pistoletës.
Nëse në zona ku të fortët bëjnë ligjin dhe nuk ka nevojë për ndërhyrje të tjera, vota izolohet kollaj, në qytete dhe pika të tjera të nxehta, mjetet janë të tjera. Makineria shtetërore, përfshirë Patronazhistin dhe Akt1vist janë duke punuar me kapacitet të plotë. Vetëm në Dosja.al, ka denoncime të përditshme sesi administrate duke përfshirë edhe punonjësit e kopështeve dhe çerdheve bashkë me familjarët e tyre që iu kërkohet pjesëmarrja në mitingje. Fatlumët zgjidhen edhe për të mbjellë pemë, në varësi të planit të partisë.
Artistë, këngëtarë, punonjës të thjeshtë, kushdo është nën terrorin e telefonatave për tu dalë publikisht në krah në 14 maj.
A iu besojnë vërtetë politikanët sondazheve?
Sali Berisha deklaron që jo. 1 milionë euro sipas tij janë paguar për çdo exit poll nga Kryeministri. Po Edi Rama? A i beson vërtetë?/Dosja.al
Enton Abilekaj Një makineri e kushtueshme, që punon enkas për Erjon Veliajn, kontraston me të gjithë fushatën. Edhe në d...
Para pak ditësh, shkrova një letër të hapur për kandidatin për kryetar Bashkie Belind Këlliçi, të koalicionit &ld...
Belind Këlliçi Përgjigje Merit, për letrën e hapur E dashur Meri Lika! E lexova letrën tënde të hapur, dhe m&eum...
Adil Xhelili Ka nisur një përçmim publik për premtimin të kandidatit të opozitës në Libohovë, Adil Xhelili. ...
Enton Abilekaj Ky i fushatës së personazheve të famshëm në mbështetje të Erion Veliajt mund të jetë rasti tip...
Përshëndetje Belind! Po të drejtoj këtë letër, jo sepse nuk mund të të takoj, as se nuk mund të të shkruaj ...
Foto ilustruese Në fjalimin programatik që mbajti për Evropën në gusht 2022 në Pragë, kancelari gjerman Olaf Scholz tha ...
Klodian Tomorri Në pikën më juglindore të Trekëndëshit Polinezian ekziston një ishull i vogël, që quhet Ishull...
Sot KQZ vendosi ta lërë opozitën pa numërues në gjysmën e vendit. Nuk ishte vendim i papritur, ishte vulosja e një projekti...
Më 10 mars, përfaqësuesit e Iranit dhe Arabisë Saudite, të cilët ishin takuar fshehurazi për pesë ditë në Pe...
