6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Deri më dje, argumenti kryesor i Partisë Demokratike për kapjen e SPAK-ut ishte paprekshmëria e Erion Veliajt. SPAK-u sot dha shenjën që Erion Veliaj është i kapshëm për të. Dikush, në radhët e Opozitës, me të drejtë mund të ketë menduar se kjo thikë ka dy tehe: Po sikur radha të jetë e shkruar për të tjerë opozitarë të rëndësishëm?
TIRANË - Në ekran pashë një 45-vjeçar, në kulmin moshor për të bërë kapërcimet më të mëdha të karrierës së tij politike, nën akuza të rënda. Atë e vunë pas dyerve të drejtësisë, nuk është i pari. Deri më dje, argumenti kryesor i Partisë Demokratike për kapjen e SPAK-ut ishte paprekshmëria e Erion Veliajt. SPAK-u sot dha shenjën që Erion Veliaj është i kapshëm për të. Dikush, në radhët e Opozitës, me të drejtë mund të ketë menduar se kjo thikë ka dy tehe: Po sikur radha të jetë e shkruar për të tjerë opozitarë të rëndësishëm?
Erion Veliaj karamboloi sot keqaz karrierën e tij politike përplot arritje, mbase duke dalë prej skenës kryesore, në një moshë në të cilën Sali Berisha hyri në jetën politike shqiptare në vitin 1991. Edi Rama humbi një nga njohësit më të mirë shqiptarë të skuadrës së tij fituese, mediatike dhe politike, të komunikimit dhe të organizimit. Nëse Endri Fuga ishte strategu i skuadrës Rama, Erion Veliaj ishte kryeoperatori, zbërthyesi i strategjive në taktika të prekshme.
Në të njëjtën ditë, Partia Demokratike e Sali Berishës zyrtarizoi bashkëshortin dhe bashkëdrejtuesin e skuadrës drejtuese të fushatës Trump 2024, Kris La Sivitën. Ai njihet si mjeshtri i fushatave negative. Në vitin 2004 në fjalorin e komunikimit politik, fushata anti-Xhon Kerri, e drejtuar prej tij, futi termin e "swiftboating", që nënkupton një strategji të fushatës negative, e cila kombinon dezinformimin intensiv dhe çmontimin e asaj që kundërshtari ka paraqitur si pikën e vetë më të fortë të profilit politik. Xhon Kerri në vitin 2004 kishte udheheqësinë ushtarake si kollonë morale.
Për të ngjallur dyshime dhe për të nxitur një klimë mosbesimi në publik ndaj ish-kandidatit për president, saktësisht ndaj kollonës së tij më të fortë, nën kujdesin e La Sivitës u themelua "Swift Boat Veterans for Truth", që sulmoi kredencialet ushtarake të Kerrit dhe krijoi një segment amerikanësh që arrinin deri aty sa e vinin në dyshim apo nuk e besonin shërbimin e tij në Luftën e Vietnamit.
Në vijim duhet patur kujdes se me çfarë statusi vjen La Sivita:
1. Nëse është konsulent, në 4 muaj ai mund të kurojë e sugjerojë detaje dhe mbase mund të jetë, jashtë kameras, kryesisht lobisti i Berishës në Uashington– më shumë i dyti se sa i pari, ndonjë deklaratë të fortë këtej e punë underground andej. Kjo do të ishte shumë mirë në plan personal dhe politik për Berishën.
2. Nëse vjen si drejtues fushate,– çfarë do t'i leverdiste më shumë PD-së– ky është një 3-pikësh për PD-në i pallogaritur nga kundërshtarët. Do të ishte shumë mirë për PD-në të ishte drejtuesi i fushatës. Raportimet duken të paqarta: diku si drejtues, diku si konsulent. Ndaj, duhet shtruar pyetja: a ka ardhur La Sivita për të mirën e Berishës, apo të PD-së? Akoma nuk e kam parë një kontratë shërbimi të nënshkruar. La Sivita kushton si dreqi!
Nuhatja më thotë se, nëse ka ardhur si drejtues fushate, ai do të punojë me kujdes të veçantë mbi tre daljet televizive të Arben Ahmetajt në Syri TV dhe do të ripozicionojë secilën nga indiciet e ish numrit dy të Edi Ramës, në mediat përkatëse, të cilat e kanë zhvlerësuar e injoruar sistematikisht. Po ashtu, me gjasë ai do të udhëheqë një fushatë anti-reformimit të drejtësisë së re, "swiftboating", duke zhveshur pikën më të fortë të qeverisjes Rama.
Nuk do të çuditesha ta intervistonte e ta takonte vetë Arben Ahmetajn. Nuk do të çuditesha ta nxiste aktivisht, në vetë të parë, të përfshihej në fushatën e 11 majit, duke i dhënë garancitë e FP1-it, superkompanisë për të cilën punon si partner për komunikimin, median dhe konsulencën politike.
Si konsulent, mendoj që do të jetë vetëm maskim lobues i zgjidhjes së hallit më të madh që Berisha ka në Uashington: dy-tre këshilla të përgjithshme, që PD do t'i përkthejë në shqipen e të përhershmëve e më së shumti do të kujdeset të japë një dorë për heqjen e "non grata-s".
Madje, ndryshe nga sa mendohet, në stilin e La Sivitës duket më e mundshme të ndodhë kështu: më shumë se sa të "zbardhë" Berishën, ai mund të "nxijë po njësoj" Edi Ramën dhe të krijojë një klimë të qartë problematike mes super fuqisë dhe qeverisë Rama.
Kjo fushatë ka nisur të bëhet vërtetë interesante!
ervin hoxha, ilir proda TIRANË- Në Shqipëri ka disa rregulla të pashkruara të pushtetit, dhe një prej tyre është kj...
Angela Merkel, Edi Rama dhe Rexhep Tajip Erdogan TIRANË- Gjithnjë e më afër 11 majit, Edi Rama nuk e fsheh më kënaqësin&...
UEFA TIRANË - Ca fjalë përpara se të nisni vulgun e baltën mbi mua për shkak se ndoshta nuk mendoj si ju, por në princip...
TIRANË- Në kongresin e radhës të partisë shtetbërëse, aq të shpeshtë sanuk ia vlen më as t’i numë...
protesta ne serbi TIRANË- A live jemi? Serbi, Serbi, je shembull për t’u ndjekur! Në nëntor, një tragjedi tronditi Novi Sad...
foto ilustruese TIRANË- Në 11 Maj, Qarku i Tiranës do të zgjedhë 37 deputetë, një më shumë se në zgjedhje...
Edi Rama TIRANË- Intervista e tretë e ish-zv.kryeministrit Arben Ahmetaj, ashtu edhe siç ishte njoftuar, zbuloi përpara publikut nj&e...
rexhep qosja KOSOVË- Me 17 dhjetor 2024 prej KQZ-së më erdhi ky mesazh: “Përshëndetje nga KQZ. Qendra jote e votimit ës...
foto ilustruese “Më kujtohet fare mirë ajo natë, më e llahtarshmja e jetës sime. "Elizer, o biri im, eja këtu! Dua t&e...
Edhe pse nuk kam kohë dhe dëshirë që të lexoj portalet "patriotike" dhe disa individë "patriotë" ndihem i detyruar që ...
