Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Ai ofron më të mirën, vetëm me të është e drejta, vetëm i tij duhet të jetë pushteti, vetëm ai duhet të adhurohet, vetëm me të mund të konkurrojë Zoti.
Ai i ka të gjitha virtytet; është më i ndershmi, më i denji, më i zgjuari, më i përuluri, më i dashuri, më i dimbshuri, më strategu, më mendimtari. Ai ofron më të mirën, vetëm me të është e drejta, vetëm i tij duhet të jetë pushteti, vetëm ai duhet të adhurohet, vetëm me të mund të konkurrojë Zoti.
Ai është i vetmi që ofron më të mirën dhe kur gjysma e popullsisë mbush rrugët e Evropës, ai është i vetmi që zgjidhet me votë të lirë edhe kur vidhen zgjedhjet, ai është i vetmi që rrit pagat në kufijtë e të mbinatyrshmes financiare edhe kur niveli i jetesës ulet, vetëm ai mundet të forcojë lekun pa logjikë ekonomike, vetëm ai mundet të shkurtojë shpenzimet duke rritur konçensionet, vetëm ai nuk është hajdut kur gjithë kabineti dhe administrata e tij dënohet për korrupsion, vetëm nën sajen e tij në kemi luksin e një burokracie të artë.
Ai luan me mirëkuptimin e masës, me vullnetin e saj për të pasur më të mirën. Shpesh me gjysmë truri, masa ëndërron një përdorim efikas të burimeve publike, ëndërron më shumë shpenzime sociale, por pikërisht kur masa mendon se ëndrra e gjysmës së trurit të saj është reale, aty ai ia ngatërron dhe ia përzien gjithçka.
Fjala e tij nuk ka as fund as fillim, ajo ngatërrohet me fjalë të tjera, të vjetra e të lashta e me to ai nuk analizon por pontifikon. Nuk debaton, ofendon, skualifikon, përdor dobësitë që mund të të njohi për goditje nën bel, e kur e sheh se e ka gjetur dobësinë, kalon në ofensivë.
Ai ka zëdhënës që si rele megafonike përsërisin mesazhet e tij edhe një herë, edhe një herë, edhe një herë paçka se ti e ke lexuar, dëgjuar dhe kuptuar mesazhin e asaj që thuhet. Megafonistët e tij përpiqen të na sqarojnë se jemi keq kur jemi mirë, duke u përpjekur të na veshin mbretin me rroba të reja, e nëse ne nuk arrijmë t’i shohim ato rroba kjo nuk ndodh sepse ai, larg qoftë mund të jetë i zhveshur, jo as që mund të mendohet kjo, por sepse ne jemi fajtorët.
Ne nuk i shohim dot rrobat e reja të tij sepse ndoshta ne na mungon besimi, apo ndoshta sepse jemi të moshuar, ndoshta sepse ende jetojmë në të kaluarën.
Ai bën zgjedhje të vështira, për shembull mes demokracisë elektorale dhe “pastrimit të jetës publike” ai zgjedh të dytën, sepse vetëm kështu na mbron nga vetvetja.
Rrugës së tij të vështirë ai gjen plotë aleatë anembanë globit të cilët me inteligjencë të papërshkrueshme liberale dhe shumë xhepmbushëse, e ndihmojnë të kryejë “pastrimin”, pavarësisht se shkelen institucionet, Kushtetuta, ligji, demokracia, liria, sepse këto janë terma të vjetër, tashmë ai ka nxjerrë terma të rinjë: rilindje, rizgjim, bashkëqeverisje etj, etj.
Për të demokracia është fillestare, e brishtë, budallaqe, e vogël, jo efikase, e pamundësisht e përsosshme, e shtrenjtë, e shurdhër madje edhe e verbër.
Ai gjithmonë shqetësohet për atë që është urgjente jo për atë që është e rëndësishme. Gjithmonë fletë për veten e tij dhe sipas tij vetëm duke folur kështu ai fletë për vendin dhe për atdheun sepse “kur themi ai nënkuptojmë atdheu dhe kur themi atdheu nënkuptojmë atë”.
Ai mund të duket se flet me pasqyrën, por ju lutem mos kaloni ne mendime ekstreme sepse ai është duke folur me ju, por ju nuk e kuptoni dot sepse ai i përket një tjetër dimensioni.
Ai nuk lodhet duke folur edhe nëse askush nuk e dëgjon më. E shohim por nuk e dëgjojmë, e vuajmë por nuk e dëgjojmë. Fjalët e tij janë si zhurmat e rrugëve të cilat nuk i shikon po nuk ktheve kokën, por e mbushin hapërisën rrotull teje me ndotje akustike. E kështu ai e zapton hapësirën tënde dhe pas kësaj është ai pronar i saj dhe nuk e lejon më zërin tënd të dëgjohet.
Ai nuk qeveris. Atij nuk i interson puna për të bërë politika publike, për t’u marrë me çështje të mëdha e të vogla të vendit, për të bërë diplomaci në interes të vendit, sepse këto punë janë për njerëz të vegjël. Për njerëz të mëdhenjë si ai kanë rëndësi konfliktet botërore, ndërtimet pompoze, skalitja e fytyrës së tij diku në një shkollë apo përjetësimi në një mozaik të lashtë.
Ai mendon se është viktimë e atyre që nuk kuptojnë dhe se është fatkeqësi e madhe që drejton një popull që nuk e kupton gjenialitetin e tij. Edhe ndjekësit e tij këtë mendojnë. Për ta opozita nuk është një kundërshtar politik, por një armik që duhet zhdukur. Opozita që e pengon të “nusërojë” siç di ai, është personazhi i keq i filmit, është një rrezik shoqëror dhe duhet eleminuar me çdo kusht. Në jetë, ose je me të osë kundër tij, rrugë të mesme nuk ka.
E me këto hire, ai na fton t’i bashkohemi mashtrimit me supozimin histerik të “demokracisë autentike”, të arkitekturës së deformuar të lirisë sepse ai nuk vjedh thjesht dhe vetëm sepse është dymetrosh.
Yanis Varoufakis “Shërbëtorë, proletarë dhe vasalë të reve të të gjithë botës, bashkohuni! Nuk kemi...
Edi Rama Edi Rama ka qeverisur Shqipërinë për më shumë se dhjetë vjet. Zgjedhjet e para i fitoi në 2013-ën, pa...
Nuk bëhet fjalë për Humanizëm. Marrëveshja Rama - Meloni nuk ka asgjë humaniste. Këtë e thonë organizatat ndë...
Fatos Lubonja Ky shkrim i Fatos Lubonjës është botuar në 9 nëntor në gazetën italiane Il Manifesto Nëse në It...
Enton Abilekaj Të shtunën e 28 tetorit, një video e shpërndarë nga vetë Kryeministri do të shndërrohej në meme...
Në fjalimin e tij të shumëpritur nga Bejruti, i transmetuar drejtpërdrejt në televizion (por jo në Izrael), udhëheqësi...
Pritej të vinte një ditë si e shtuna e 21 tetorit. Pritej zhurma e madhe dhe kundër- reagimet. Deri tani duket një skemë e paras...
Foto ilustruese Kriza në Lindjen e Mesme ka zbuluar një realitet të rëndësishëm për botën. Megjithëse ndikimi ...
Shqiptarët luajnë futboll prej gati 100 vitesh, por asnjëherë ata nuk kanë fituar kaq shpesh dhe kaq lehtësisht, si kohët e...
Kur një grup i armatosur rëndë sulmoi policinë në veri të Kosovës më 24 shtator, duke vrarë një polic dhe du...
