"Me Lulin kur e keni lënë për foto?", Rama i përgjigjet komentuesit: Fizikisht nuk puqemi por zemrën e kemi të lid...
Njohu pavarësinë e Kosovës, Kurti zhvillon bisedë telefonike me presidentin e Kenias: I bëra një ftesë pë...
Bisedat në Signal/ Trump dhe zyrtarët thanë se gazetari gënjen, Goldberg poston artikullin e ri: Njerëzit duhet t'i sho...
"Nesër shpalosim programin Shqipëria 2030", Rama: Nuk jemi si ata që premtojnë pensione 500 euro dhe naftën 5 cent dhe ...
Sepse zëdhënësit e Kremlinit, i kanë interpretuar si një dobësi, sinjalet e hezitimit të Perëndimit në financimin e aleates së tyre, Ukrainës. Njerëzit e Putinit, po i bëjnë jehonë zërave se Perëndimi po i bën tashmë presion Kievit që të marrë në konsideratë uljen në negociata me Moskën për të zyrtarizuar ndarjen e territorit të saj.
Nga Julia Davis “Center for European Policy Analysis”
Me më shumë se 300.000 ushtarakë rusë të vrarë dhe të plagosur në luftën e Vladimir Putin kundër Ukrainës, shumëkush mund të mendonte se propagandistët e tij do të shfaqnin njëfarë përulësie kur diskutonin mbi dobinë e luftës si një mjet politik. Por do të gabonin.
Sepse zëdhënësit e Kremlinit, i kanë interpretuar si një dobësi, sinjalet e hezitimit të Perëndimit në financimin e aleates së tyre, Ukrainës. Njerëzit e Putinit, po i bëjnë jehonë zërave se Perëndimi po i bën tashmë presion Kievit që të marrë në konsideratë uljen në negociata me Moskën për të zyrtarizuar ndarjen e territorit të saj.
Madje ata po e lexojnë këtë lëvizje si një dritë jeshile, që Rusia të shkojë shumë më përtej. E përse të mos pushtohen dhe aneksohen më shumë territore, pyesin ata? Dhe nëse këto mund të tingëllojnë si deklaratat tipike të zëdhënësve megalomanë, mos harroni se ato përputhen gjerësisht me kërkesën në dhjetor të vitit 2021 nga Rusia, që SHBA-ja të braktiste anëtarët më të rinj të NATO-s, si shtetet baltike dhe Polonia.
Po ashtu vlen të kujtohet se pushtimi rus i Ukrainës, u diskutua dhe u komplotua hapur për vite tëra në mediat shtetërore ruse, pas së cilës ndodhi vërtet. Gjatë pjesëmarrjes së tij në emisionin Oën Truth në NTV të premten e kaluar, shkrimtari rus Dmitry Lekuh tha se Polonia është “kandidatja e radhës, që do të bjerë pre e tankeve ruse”.
Ai pohoi se “ndarja e Polonisë midis Rusisë dhe Gjermanisë, është hobi ynë kombëtar”. Lekuh u ankua për faktin se Gjermania “nuk është më e njëjta si dikur”, një referencë për aleancën midis Gjermanisë naziste me Bashkimin Sovjetik në vitin 1939, pra paktin Molotov-Ribbentrop. Ashtu siç ndodh shpesh me propagandistët e Kremlinit, logjika ishte e paqartë:Rusia që kërkon aleatët e saj nazistë gjermanë, vështirë se pajtohet me pretekstin e saj të deklaruar se e ka sulmuar Ukrainën, me qëllim spastrimin e këtij vendi nga nazistët e supozuar.
Duke u shfaqur në televizionin shtetëror, ekspertët dhe ligjvënësit këmbëngulin se Rusia nuk është e interesuar për negociatat e paqes, dhe se ajo s’mund të lejojë vazhdimin e ekzistencës se një Ukraine sovrane. Të bindur se Evropa i ka boshatisur tashmë rezervat që kishte për të ndihmuar Ukrainën, dhe si rrjedhim mbetet e pambrojtur, propagandistët e Kremlinit pohuan se nga harta duhet të zhduken edhe vende të tjera evropiane.
Gjatë emisionit të tij të mëngjesit “Full Contact” këtë të mërkurë, propagandisti kryesor rus Vladimir Solovyov, pyeti:“A duhet të vazhdojë të ekzistojë kombi ukrainas? Përgjigja ime:Në gjendjen e tij aktuale jo! Një komb, ideologjia e të cilit përbën një rrezik për ne, nuk mund të ekzistojë pranë nesh”.
Ai shtoi më pas:“Unë besoj se kemi hyrë në një periudhë ndryshimesh të mëdha gjeopolitike. Shumë formacione aksidentale, të paafta për të qenë shtete, mund të mos i mbijetojnë kësaj epoke. Me këtë nënkuptoj shtetet baltike dhe gjithë Evropën. Nuk mendoj se kufijtë evropianë në konfigurimin e tyre aktual, do të vazhdojnë të ekzistojnë për më gjatë. Nuk shoh ndonjë arsye pse duhet të ndodhë kjo”.
Por zëdhënësit e Moskës, nuk kufizohen vetëm në ri-vizatimin e hartës evropiane. Një çështje tjetër e referuar, është qenë nevoja për të ndëshkuar mërgimtarët rusë dhe të ashtuquajturit armiq të shtetit nëpërmjet vrasjeve. Dhe ashtu si me qëndrimet e tyre për luftërat e ardhshme, edhe kërkesat e tyre shpesh bëhen realitet.
Më 28 nëntor, shërbimi sekret inteligjencës i Ukrainës raportoi se një numër njerëzish, përfshirë gruan e kreut të SBU Kyrylo Budanov, Marianna Budanova, se ishin shtruar në spital për shkak të dyshimit për një helmim me metale të rënda. Kjo është një skemë e vjetër dhe shumë e njohur për Rusinë.
Që në vitet 1930-1940, pasardhësit e Stalinit të udhëhequr nga spiuni legjendar Pavel Sudoplatov, komplotuan dhe kryen atentate ndaj individëve të ndryshëm, përfshirë Leon Trotsky. Vitet e fundit, vrasësit rusë kanë përdorur agjentë radioaktivë dhe nervorë në Mbretërinë e Bashkuar dhe brenda vetë Rusisë.
Është një fushatë e përqafuar me entuziazëm. Kjo ide është përhapur në mediat shtetërore
të paktën që nga viti 2022. Një nga ekspertët sugjeroi se SHBA-së i duhen “qindra” arkivole të mbështjellë flamurin kombëtar që të zgjohet nga gjumi. Të ftuarit në emisionin e Solovyov mbështetën ose rrëmbimin e armiqve të Rusisë në Ukrainë, ose vrasjen e tyre në rastin më të parë.
Deputeti i Dumës, Andrey Gurulyov, foli për fatin që i pret armiqtë e Rusisë:“Siç e tha dikur Stalini “Pa njerëz, nuk ka më probleme! Armiqtë e atdheut tonë duhet të asgjësohen!”. Ndërkohë i ftuar në emisionin e Vladimir Solovyov, Yevgeny Satanovsky, president i Institutit të Lindjes së Mesme, deklaroi:”Nëse Evropa është një kopsht, duhen zhdukur parazitët në këtë kopsht!”. Që të sigurohej që kjo metaforë të mos i shpëtonte shikuesve, Solovyov shtoi me shpejtësi: “Unë mendoj se ky është përvjetori i Mercader”- një referencë ndaj Ramon Mercader, agjenti i NKVD sovjetike që përdori një sëpatë për çarjen e akullit për të vrarë Leon Trotsky-n në Mexico City në vitin 1940.
Edhe profesor Alexander Kamkin, anëtar i Akademisë Ruse të Shkencave, i bëri jehonë Satanovsky kur theksoi:”Parazitët në kopsht mund të asgjësohen kimikisht, ose mund të përdorni një shat të mirë për t’i asgjësuar ata në mënyrë selektive”.
Në maj të këtij viti, drejtuesja e televizionit “Russia Today” Margarita Simonyan bëri hapur thirrje për vrasjen e senatorit republikan amerikan Lindsey Graham, duke evokuar sërish emrin e agjentit Sudoplatov. Pra, nuk është për t’u habitur që fati i Marianna Budanovës shkaktoi disa reagime mohuese të dobëta, të shoqëruara me buzëqeshje dinake dhe ironi.
Në emisionin televiziv “60 Minuta”, i ftuar ishte deputetit famëkeq i Dumës, Andrey Lugovoy - i identifikuar nga një gjykatës britanik si një nga vrasësit e Aleksandër Litvinenkos në vitin 2006 në Londër - për të diskutuar mbi helmimin e Budanovës.
Lugovoy gjatë gjithë kohës i buzëqeshur, deklaroi disa herë së bashke me moderatorët Olga Skabeeva dhe Evgeny Popov, se Rusia do të vazhdonte të përdorte metoda të tilla “të modës së vjetër” si helmimi. Përfundimi është se asnjë nga propagandistët e Putinit nuk po flet kot.
Këto figura artikulojnë idetë e menduara nga regjimi dhe të cilit i shërbejnë. Apeli ndaj moralit apo humanizmit të Kremlinit është i kotë. Rusia e Putinit nuk ndihet aspak e frenuar nga idealet e larta, por vetëm nga aftësitë e saj. Diskutimet që zhvillohen në Perëndim rreth mundësisë së braktisjes së Ukrainës dhe detyrimit të saj për të nënshkruar një marrëveshje paqeje me Rusinë, e inkurajojnë Moskën të zgjerojë ofensivën e saj, me mjete ushtarake ose jo-ushtarake./Dosja.al
Nga Mahyar Amouzegar “The Hill” Si një amerikan i lindur në Iran, jeta ime vlen sot shumë më tepër se ajo e mikut tim t&...
Joe Biden Nga Liz Peek “Fox News” Demokratët në SHBA janë në telashe. Figurat më të njohura dhe më me ndiki...
E paemër, e mosozotshme vrasja e Liridonës, me pagesë, në sy të fëmijëve të saj, porositur nga bashkëshorti p&eum...
Henry Kissinger SHBA- Henry Kissinger, që vdiq të mërkurën në moshën 100-vjeçare, ishte i vendosur të shkruante ...
Nga Anne-Elisabeth Moutet “Daily Telegraph” Dy vjet më parë, pas disa netëve me trazira nëpër periferitë e qyteteve...
Nga Maurizio Ferrera “Corriere della Sera” Ka shumë mundësi që pas disa muajsh Holanda të ketë një kryeministë...
Nga Michal Kranz “Unherd” Për herë të dytë në kaq shumë vite, Kremlini po nxit qëllimisht një krizë ...
Nga Francesco Sylos Labini “Il Fatto Quotidiano” Duke parë tensionet e mëdha ndërkombëtare, fillimisht në Ukrainë d...
Nga Hafed El-Ghuell “Arab News” Ashpërsia e debateve rreth politikave të migracionit të Evropës përkundrejt vendeve t&eu...
Lufta Nga Gordon G. Chang “Newsweek” Një nga strategjitë më cinike të Kinës në luftën e saj në shum&eu...
