Lezha tronditet nga një atentat/ Ekzekutohet kushëriri i Ardian Nikulajt, autorët largohen me BMW, gjendet një makinë e djegur
Atentati në dalje të Lezhës, reagon policia: Eno Nikulaj në gjendje të rëndë në spital 2 Dhjetor, 22:2...
Atentati në dalje të Lezhës, reagon policia: Eno Nikulaj në gjendje të rëndë në spital 2 Dhjetor, 22:2...
Flet vëllai i Liridonës: Do ta zhvarrosim trupin, i kemi dhënë dy ditë kohë familjes Murseli 2 Dhjetor, 09:43 ...
Nis Kuvendi Kombëtar i Partisë Demokratike 2 Dhjetor, 11:16 Kuvendi i Partisë Demokratike, Berisha mbërri...
Naim Murseli u arrestua për vrasjen e gruas së tij, reagon Çitaku: Jam pa fjalë, sa dhimbje e trishtim 1 Dhjetor, 21:27 ...
Aspekt i parë lidhet me burimin e lajmit, i cili na tregon rrugën që paska ndjekur Bujar Spahiu. Për trajtimin e kërcënimeve që pretendon se i janë bërë, Bujar Spahiu iu qenkërka drejtuar përfaqësive diplomatike të akredituara në Shqipëri!
Përpara tri ditësh u përcoll lajmi se Bujar Spahiu, kreu aktual i KMSH-s, është kërcënuar së paku në dy raste me jetë për të dhënë dorëheqjen. Lajmi thuhej se mbështetej në “burime diplomatike”, ndërkohë që tek thuhej është konfirmuar edhe nga vetë KMSH, e cila, nga ana e saj, deri në këtë moment, ndonëse kanë kaluar tri ditë, nuk ka asnjë reagim në lidhje me këtë lajm. Mosreagimi ndaj lajmit, nuk është përgënjeshtrim, por pranim i heshtur i vërtetësisë së tij, çka i shteg spekulimit analitik e racional nën dritën e kontekstit politik e social të cilit i adresohet dhe brenda të cilit synon të operojë vetë lajmi, duke krijuar deri edhe mundësinë për ta vështruar Bujar Spahiun, në mos autor, së paku investitor, jo sepse është përfitues i drejtpërdrejtë nga lajmi, por sepse mosreagimi – qoftë për ta konfirmuar, qoftë për ta përgënjeshtruar një lajm – në suazën e lajmeve të kësaj natyre është investim i mirëfilltë, çka çdo njeri që e njeh sadopak komunikimin mediatik, e ka fare të qartë.
Lajmi në fjalë është thellësisht shqetësues në më tepër se një aspekt.
Aspekt i parë lidhet me burimin e lajmit, i cili na tregon rrugën që paska ndjekur Bujar Spahiu. Për trajtimin e kërcënimeve që pretendon se i janë bërë, Bujar Spahiu iu qenkërka drejtuar përfaqësive diplomatike të akredituara në Shqipëri! Përdorimi i përfaqësive diplomatike të akredituara në vendin tonë si një zyrë apo organ ekstra ligjor për të denoncuar kërcënime të karakterit lokal e individual, është sa qesharak në pamje të parë, aq edhe i rrezikshëm në një qasje më të thellë, nën dritën e klimës së ngarkuar sociale e politike në rajon e më gjerë. Përfaqësitë diplomatike s’janë mandatuar për të ushtruar funksionet e organeve të rendit dhe prokurorisë në Shqipëri. Sfera e veprimtarisë së tyre janë konsolidimi i marrëdhënieve me vendet ku operojnë nën dritën e interesave dhe politikave që vendet që përfaqësojnë kanë në ato vende ku këto përfaqësitë operojnë, dhe jo hetimi dhe ndjekja e personave që kryejnë vepra penale. Edhe në rast se, në një çast dalldie, do të kishin patur prirje për të marrë mbi vete një tagër të tillë, përfaqësitë diplomatike nuk do t’ia bënin me dije asnjë personi të jashtëm, për shkak se do të dilnin zbuluar si shkelës të Konventës së Vjenës. Prej këndejmi më lind dyshimi i arsyeshëm se lajmi është stisje e paramenduar për të krijuar çoroditje dhe zhvendosje vëmendjeje në kurriz të lëndueshmërisë që shfaqin çështje të caktuara.
Pyetja shtrohet: çfarë kuptim ka, që kreu i KMSH-s të adresojë kërcënime që pretendon i janë bërë dhe të kërkojë zgjidhje tek përfaqësitë diplomatike? Thënë pak më drejtpërdrejt: cili është përfitimi që synon të arrijë Bujar Spahiu përmes investimit në këtë lajm? Nëse e shohim lajmin nën dritën e elementëve që përmban narrativa e tij, synimet janë fare të qarta.
1.) Përmendja e “burimit” të lajmit është jo thjesht injorim, por shantazh ndaj organeve ligjzbatuese të vendit. Dhe kjo është edhe pjesa e rrezikshme e lajmit, perceptimi i jashtëm që mëton të krijojë. Duke shmangur dhe injoruar publikisht organet e rendit dhe prokurorinë si të vetmet organe që kanë tagrin ligjor të ndjekin e të hetojnë çështje të kësaj natyre, lajmi përcjell qartësisht e publikisht mosbesimin që Bujar Spahiu paska ndaj tyre, me mëtimin për të krijuar te të huajt perceptimin sikur i është vënë kundër edhe tërë shteti shqiptar. Përpjekja për të krijuar e një perceptimi të tillë është arsye e mjaftueshme për të vënë në lëvizje organet e shantazhuara për të nisur një hetim kryesisht e të bëjë më pas transparencë rreth tërë sa lidhet me pretendimet e Bujar Spahiut. Në të kundërt, do t’i linte shteg perceptimit se kjo është një lojë në të cilën janë përfshirë edhe organet në fjalë; një lojë, e cila ka lidhje me pranimin e fajësisë nga ana e Charles McGonigal për korrupsion dhe fshehje të ardhurash, në të cilën vetë Edi Rama përmendet si i implikuar i drejtpërdrejtë; një lojë, përmes të cilës mëtohet t’i vihet në ndihmë Edi Ramës, jo duke zhvendosur vëmendjen e publikut nga zhvillimi në fjalë, por duke shantazhuar tërthorazi drejtësinë amerikane me kartën e rrezikut të ekstremizmit fetar në Shqipëri përpara 5 shkurtit, ditës kur kjo drejtësi do të japë vendimin e saj për Charles McGonigal-in dhe personat e implikuar, mes të cilëve edhe Edi Rama. Aq më tepër kur, siç u shpreha më lart, klima sociale e politike në rajon e më gjerë është tejet e ngarkuar.
2.) Përmendja e “burimit” të lajmit është përpjekje dukshëm e dëshpëruar e Bujar Spahiut për të frustruar të gjithë ata të cilët nuk ndihen të përfaqësuar as prej institucionit që ai drejton, e as prej atij vetë, duke mëtuar të krijojë mes këtyre perceptimin sikur gëzon mbështetjen dhe mbrojtjen e ndërkombëtarëve. Dhe kjo është edhe pjesa qesharake e lajmit, jo sepse besimtarët nuk e kanë shqisën e mbresimit dhe mahnitjes, por sepse ata e kanë të qartë se detyra dhe misioni statutor e ligjor qoftë i Bujar Spahiu, qoftë i institucionit që drejton, është të përfaqësojë besimtarët muslimanë në raport me të tretët, jo përfaqësitë diplomatike; madje edhe në ato raste kur dëshira për t’u shfaqur si benjamin i tyre të shtyn të ndërmarrësh veprime çaplineske.
3.) Përmbajtja e lajmit është dukshëm përpjekje e Bujar Spahiut për të prodhuar zhurmë, jo thjesht si një nga format terapeutike për të vënë nën kontroll dëshpërimin që e ka kapluar, por edhe si një nga format e mbulimit të parregullsive, të shkeljeve statutore e ligjore dhe të jo pak manipulimeve që kanë shoqëruar procesin e zgjedhjeve në organet drejtuese të KMSH-s përmes çoroditjes e zhvendosjes së vëmendjes së besimtarëve, pa u vramendur se kësisoj ai po krijon një spirale të rrezikshme për besimtarët muslimanë, të cilët duket qartë se Bujar Spahiu as që i fut në refene. Dhe mbase me të drejtë, pasi nuk është në atë pozicion si rezultat i vullnetit dhe zgjedhjes së tyre.
Grigorina Boce dhe Enkeleda Memisha Numri i madh i turistëve të huaj që erdhën këtë vit në Shqipëri dëshmoi m&...
Genc Sejko Mësova që ministri i brendshem i ka bërë thirrje emigrantëve shqiptarë që të regjistrojnë online ad...
Mënyra si trajtohen departamentet e Marrëdhënieve me Jashtë në institucionet shqiptare lë shumë për të dëshi...
Enrik Beqiri dhe Kombetarja shqiptare e futbollit Mes vapës së fillimvjeshtës, lajmeve të kronikës së zezē, lajmeve për ...
foto ilustruese Debati për nje Muze në Tepelenë kushtuar periudhës se diktaturës ka disa vite që është hapur. Filli...
Agim Xhafka Te sheshi,kur po prisja jeshilen e semaforit,dikush më “trokiti” te shpatulla. Kthehem,shoh një grua flokëbardhë...
Arlind Qori Konvikte janë pasë quajtur vendbanimet e studentëve/nxënësve, të cilët i kryenin studimet në një q...
Ishte një moment arritjeje superlative për Jenni Hermoso, golashënuesja në ekipin kombëtar të Spanjës për femra. ...
Klodian Tomorri Bumi i ndërtimit, veçanërisht në kryeqytet, ka ngritur shqetësimet për një fluskë të mundshme ...
foto ilustruese Tri dekada pas rënies së komunizmit, familjarët e personave të zhdukur kërkojnë ende të mësoj...
