Rama bën rolin e 'ndërmjetësit'/ Dorëzimi i draftit për Asosacionin tek Macron dhe Scholz, reagon KOSOVA
Propozimi i Ramës për Asosacionin/ Deputeti i LVV: Nuk ishte e nevojshme! Kosova ka mjaft njerëz që kujdesen dhe shqetë...
Propozimi i Ramës për Asosacionin/ Deputeti i LVV: Nuk ishte e nevojshme! Kosova ka mjaft njerëz që kujdesen dhe shqetë...
Rama: Ndërkombëtarët janë të zotët e shtëpisë në Kosovë, Kurtin do e mbështes deri në...
Fillimisht e mohon, pastaj flet për dhunën, Basha për OFENDIMET e mbështetësve të tij: S'i kam parë fare pamj...
Dako u la në burg, avokati: Vendim i papërshtatshëm, provat nuk qëndrojnë 8 Qershor, 16:54 Akuzohet ...
roblemi ynë kryesor është se fondet që hyjnë në fushatat elektorale vijnë nga krimi i organizuar, apo nga kontraktorë shtetërorë të cilët në një mënyrë apo në një tjetër kanë përfituar fonde publike dhe që, pothuajse gjithmonë janë të përfshirë në struktura të ndryshme korrupsioni.
Përfshirja e kryeministrit tonë në skandalin e fundit me ish zyrtarin e FBI-së, nxorri të vërtetën lakuriqe, se korrupsioni ka filluar të shtrijë degët e tij jo vetëm në nivele ambasadorësh apo admnistratave të ambasadave të huaja, por deri edhe tek zyrtarë të institucioneve në këto vende.
Në vitin 1932, James Kerr Pollock (shkencëtar politik amerikan), e fillonte studimin e tij për financimet e fushatave elektorale në Angli, Gjermani dhe Francë, me një paralajmërim: "Marrëdhënia midis parasë dhe politikës është bërë një nga problemet më të mëdha të qeverisjes demokratike". Në libër, ai i bën thirrje opinionit publik që të kuptojë se “një jetë e shëndetshme politike nuk është e mundur nëse përdorimi i parasë nuk i nënshtrohet kufizimeve”.
91 vjet më vonë, pra nëntë dekada më vonë është konfirmuar vërtetësia e këtyre fjalëve. Financimi i politikës është kthyer në një kërcënim të përhershëm për integritetin dhe cilësinë e demokracisë në të gjitha pjesët e botës.
Kështu është edhe në Shqipëri.
Që prej fillimit të pushtetit të kësaj qeverie, opinioni ynë publik është tronditur nga një sërë skandalesh të mëdha krimi dhe korrupsioni, pothuajse të gjitha të lidhura drejtpërdrejt ose tërthorazi me financimet e fushatave elektorale. Kështu ka ndodhur me vjedhjen e votave duke përfshirë bandat kriminale në votime, me uljen e krimit në karriget e kuvendit apo në drejtimet e bashkive, vazhdoi me dosjen 184, me ministrin e brendshëm, me skandalin e patronazhistëve, dhe shumë skandale të tjera duke mbërritur deri tek këto më të fundit, inçeneratorët, financimet ruse në politikë dhe korruptimi i zyrtarëve amerikanë për të goditur kundërshtarin politik.
Çdo njëri prej këtyre skandaleve ka qenë një traumë për demokracinë tonë. Të gjitha kanë shërbyer për të konfirmuar perceptimin ogurzi se sistemet politike u shërbejnë, në thelb, atyre që pompohen në pushtet.
Nuk mendoj se vetëm unë jam e bindur se vendi ynë qeveriset për të mirën e disa grupeve të fuqishme dhe se financimi i fushatave politike dhe korrupsioni që rrjedh prej tyre ndihmojnë në shpjegimin e fatkeqësive tona aktuale politike, sepse këtë e tregojnë edhe të dhënat e Transparency International, ku vendi ynë vit pas viti ka zbritur në renditjen për perceptimin e korrupsionit nga vendi i 106 në vitin 2019 në vendin e 110 në vitin 2021.
Nuk kemi mungesë legjislacioni, problemi është tjetër. Problemi ynë kryesor është se fondet që hyjnë në fushatat elektorale vijnë nga krimi i organizuar, apo nga kontraktorë shtetërorë të cilët në një mënyrë apo në një tjetër kanë përfituar fonde publike dhe që, pothuajse gjithmonë janë të përfshirë në struktura të ndryshme korrupsioni. E vërteta e zymtë është se, megjithë bollëkun e ligjeve, udhëzimeve apo rregulloreve, tek ne ende nuk dihet se kush e financon politikën.
Fraza lapidar e politikanit amerikan Jesse Unruh, i cili dikur deklaroi se "paraja për politikën është si qumështi i gjirit të nënës", tregon vetëm një pjesë të së vërtetës.
E vërteta e plotë është se, ky qumësht ka elementë të rëndësishëm toksiciteti, të cilët duhet të eliminohen ose të paktën të kontrollohen, në të kundërt do tw na e shkatërrojnë totalisht demokracinë siç në këtë moment është duke ndodhur.
Për aq kohë sa ne si shoqëri do ta lejojmë veten që të fitojmë imunitet ndaj skandaleve korruptive të pushtetit, atëherë nuk duhet të presim asgjë tjetër përveçse të përmbytemi nga shiu i këtij korrupsionit, pa asnjë shpresë për shpëtim./Dosja.al
Yanis Varoufakis Nga Yanis Varoufakis Yanis Varoufakis explains why the idea that Southern Europe is more corrupt than the richer, Northern part ...
Foto ilustruese Demokracia duket se është kudo nën sulm. Dhe ata që e sulmojnë variojnë nga populistët e zemëruar l...
Meri Lika Unë nuk e kam frikë Big Brother-in, spektaklin që shumë prej nesh thonë se nuk duhet ta shohim, se nuk po edukon, se jep...
Morali dhe politika janë dy terma, të cilët në politikën e kohëve moderne e kanë të pamundur të ecin së bash...
Brigada e Veriut Ka një afat kohor të rreptë për krizat në Kosovë. Nis kështu. Së pari, pas një mosmarrëv...
Imagjinoni sikur jeni mbi detin Adriatik dhe filmoni vazhdimisht një anije që është nisur 30 vjet më parë nga bregu lindor p&eum...
Ditmir Bushati 1.Në Samitin BE - Ballkan Perëndimor të mbajtur në Tiranë në kulmin e luftës në Ukrainë, Serbia...
Lufta Kur Rusia grumbulloi trupat e saj përgjatë kufirit me Ukrainën rreth një vit më parë, shumë ekspertë dhe poli...
Foto ilustrim Pushtimi i Ukrainës nga ana e Rusisë ka krijuar një panoramë të re të sigurisë në Europë. BE-ja ...
TIRANË- Ajo që ndodhi me pallatin te rruga 'Myslym Keta', konfirmon alarmin se Shteti ka rënë në favor të një bande hajdut&...
