Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Të gjithë të përdorurit nga Rama, diplomatë, politikanë apo bashkëpunëtorë në fusha të ndryshme, vazhdojnë të punojnë për zbatimin e planit, vazhdojnë të shkelin ligjin për përfitimin personal të Edi Ramës, vazhdojnë të godasin opozitën për të dëmtuar pakthyeshmërisht vendin. Një ushtri mercënarësh që nuk pranon të dezertojë pa e parë gjeneralin të kapur rob fizikisht.
Dosja.al publikoi sot kontratën për Çarterin e Kryeministrit, ku qartësisht përgenjështrohej pretendimi i tij, se pagesën e bënte nëpërmjet reklamës, apo përdorimit të imazhit të tij. Kontrata qartësishst përcaktonte pagesat që duhet të kryente Drejtoria e Shërbimeve Qeveritare. Pavarësisht se nuk përmendeshin shumat, kostot e fluturimit me çarter tashmë janë të ditura, milionat e eurove të shpenzuara nga Kyreministri konfirmohen.
Pak javë më parë, kur skandali i çarterit u bë publik prej hakerave të supozuar iranianë, Partia Demokratike kërkoi ngritjen e një komisioni hetimor parlamentar. Maxhoranca e refuzoi kategorikisht, pavarësisht se, me vendim të Gjykatës Kushtetuese, ngritja e Komisionit të Posacëm Hetimor Parlamentar, është detyrim i panegocieshëm dhe i pavotueshëm.
Pas skandalit McGonigal, më të madhit që një Qeveri shqiptare mund të jetë përfshirë, Partia Demokratike kërkoi përsëri një Komision hetimor parlamentar. Pasi u refuzua, kërkoi mocion me debat me Kryeministrin. Kjo iu refuzua për t’u pranuar interpelanca urgjente e kërkuar nga Enkelejd Alibeaj.
Dhe, ndërsa injoron PD-në në favor të një grupi jopërfaqësues, Lindita Nikolla pranon me titull të plotë ligjor, vendimin personal të Alibeajt për përjashtimin e 4 deputetëve nga Grupi Parlamentar i opozitës. Pa mbledhje grupi, pa votim, pa proces-verbal, në kundërshtim me vullnetin e të gjithë anëtarëve të grupit, përfshi edhe Jorida Tabakun, që njihet si nënkryetare e asaj që pretendon të quhet PD.
Po sot, Komisioni i Zgjedhjeve, Ilirjan Celibashi, i kërkoi Gjykatës një vendim të shpejtë për Partinë Demokratike, i gjendur përballë një prcedure ligjore që bie ndesh me realitetin. Komisionerët e Partisë Demokratike mund të mos regjistrohen në KQZ, në favor të atyre të Alibeajt. Jo vetëm Komisionerët, por edhe logoja e PD-së mund të përdoret nga pakica ulëritëse e Alibeajt për të sabotuar opozitën në zgjedhje.
Është fare e kuptueshme, që kjo fuqi e mbinatyrshme, që ia kalon edhe asaj të Kryeministrit, Kryetarit të PS dhe të Presidentit, i jepet Alibeajt nga Edi Rama, por është e pakonceptueshme, se si Edi Rama, pasi u kap me presh në dorë duke minuar demokracinë në Shqipëri, nëpërmjet një zyrtari të korruptuar amerikan, vazhdon ta bëjë këtë sikur nuk ka ndodhur asgjë.
Pas daljes së skandalit, pasi u pa se si në xhepat e ish-drejtuesit të lartë të FBI, kalonin para të paligjshme për të hapur proces penal kundër Partisë Demokratike, pasi u kap duke cënuar sigurinë e aleatit më të fortë të NATO-s, pasi u survejua prej disa muajsh me vendim gjykate, pritej që 5 ditët e "gripit të stinës" ta bënin të paktën të tërhiqej nga plani për asgjësimin e opozitës. Pritej që edhe ndaj "non gratës" të ndryshonte sjellja, pritej që edhe ata diplomatë që e ndihmuan në planin e tij antidemokratik, të kërkonin falje, pritej që projekti të anulohej në panik, pas ndërhryjes së Drejtësisë amerikane.
Në fakt nuk po ndodh kështu. Të gjithë të përdorurit nga Rama, diplomatë, politikanë apo bashkëpunëtorë në fusha të ndryshme, vazhdojnë të punojnë për zbatimin e planit, vazhdojnë të shkelin ligjin për përfitimin personal të Edi Ramës, vazhdojnë të godasin opozitën për të dëmtuar pakthyeshmërisht vendin. Një ushtri mercenarësh që nuk pranon të dezertojë pa e parë gjeneralin të kapur rob fizikisht.
Në këto kushte, e vetmja vetëmbrojtje e opozitës është protesta deri në rrëzimin e qeverisë. Kur mjetet institucionale ia kanë hequr, opozita nuk ka mundësi tjetër, përvecse ta zhvillojë betejën e mbijetesës në rrugë, derisa kërcënimi të largohet. Ose ata që e ndihmuan deri sot Edi Ramën duhet të kërkojnë falje dhe të mundohen të zhbëjnë atë që kanë ndihmuar të bëhet deri tani./Dosja.al
Frank Shkreli Let them fly high and undisturbed, please!-Lëri të fluturojnë lartë! Mos ua prishni qetësin&eu...
Volodymyr Zelenskyy KIEV- Presidenti ukrainas Volodymyr Zelenskyy u kërkon aleatëve që të thërrasin asamblenë. Asambleja prit...
Umberto Eco Leximi të zgjat jetën. Ky është mësimi më i madh që na ka lënë Umberto Eco në një rubrik...
Meri Lika Tani që po shkruaj, jam e ulur në një lëndinë të gjelbërur, sepse që prej vitit 2021, sipas këshill...
Andi Bejtja Mega afera tashmë e njohur “McGonigal” nuk mund të shikohet ngushtësisht si një çështje e drejt&eum...
Enton Abilekaj Ndërsa Mcgonigal do të shërbejë për shumë vite si shembulli i një drejtuesi të lartë t&eum...
Meri Lika Përfshirja e kryeministrit tonë në skandalin e fundit me ish zyrtarin e FBI-së, nxorri të vërtetën lakuriqe, s...
Yanis Varoufakis Nga Yanis Varoufakis Yanis Varoufakis explains why the idea that Southern Europe is more corrupt than the richer, Northern part ...
Foto ilustruese Demokracia duket se është kudo nën sulm. Dhe ata që e sulmojnë variojnë nga populistët e zemëruar l...
Meri Lika Unë nuk e kam frikë Big Brother-in, spektaklin që shumë prej nesh thonë se nuk duhet ta shohim, se nuk po edukon, se jep...
