Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Kemi menduar se ky stimul kishte marrë fund dhe se nuk do të dëgjonim më për punëtorët e dalluar që edhe pse jetonin në një kohë të caktuar, punonin në të ardhmen.
“Korrupsioni i demokracive vjen menjëherë nga fakti se një klasë shoqërore vendos taksat dhe një tjetër i paguan ato.”
William Ralph Inge
Brezi i ri nuk e di, por ne që e kemi jetuar edhe kohën e diktaturës, e mbajmë mend titullin “Heroi i Punës Socialiste”. Ky titull shpesh iu jepej atyre të cilët, tejkalonin normat e caktuara në punët që bënin dhe që sipas propagandës së sistemit, punonin për vitet që vinin. Madje disa prej tyre kishin arritur deri në ditët e sotme, madje deri në vitin 2022.
Kemi menduar se ky stimul kishte marrë fund dhe se nuk do të dëgjonim më për punëtorët e dalluar që edhe pse jetonin në një kohë të caktuar, punonin në të ardhmen.
Jemi gabuar!
Projektligji i fundit “Për tatimin mbi të ardhurat” është duke na rikthyer në kohën e “heronjve të punës socialiste”.
Mund të mendoni se jam duke gabuar, apo se persiatja ime nuk është e saktë, por ju siguroj se nuk jam aspak gabim.
Në 22 qershor 2022, Arben Ahmetaj, i cili në këtë datë ishte një super ministër, në daljen e tij të rradhës në avllinë kryeministrore, në kuadër të propagandës së diktaturës së re, deklaroi as më pak e as më shumë por pikërisht kështu: Nuk ndryshon asgjë për biznesin e vogël deri në vitin 2029.
Po pa u tharë mirë boja e vulës së shkarkimit të superministrit, po e njëjta bojë e njomë është gati të vulosë projektligjin e ri të tatimit.
Në ligj përcaktohet tekstualisht kështu:
“1. Lehtësitë dhe përjashtimet tatimore të parashikuara në ligjin nr.8438, datë 28.12.1998 “Për tatimin mbi të ardhurat” i ndryshuar vazhdojnë të zbatohen si më poshtë:
a. për personat, të cilat zhvillojnë veprimtari pritëse të certifikuar si“agroturizëm”, sipas legjislacionit në fuqi në fushën e turizmit, shkalla e tatimit mbi të ardhurat 5 % do zbatohet sipas parashikimit të paragrafit 4 të nenit 28 të Ligjit nr. 8438, datë 28.12.1998 “Për tatimin mbi të ardhurat”, i ndryshuar.
b. për entitetet që operojnë në struktura akomoduese “Hotel/Resort me katër dhe pesë yje, status special”, sipas përcaktimit në legjislacionin e fushës së turizmit dhe që janë mbajtës të një marke tregtare të regjistruar dhe njohur ndërkombëtarisht “brand name”, përjashtimi nga tatimi mbi të ardhurat korporative do vazhdojë të zbatohet sipas përcaktimeve të pikës “g” të nenit 18 të Ligjit nr. 8438, datë 28.12.1998 “Për tatimin mbi të ardhurat”, i ndryshuar.
c. për entitetet, të cilët zhvillojnë veprimtari ekonomike sipas ligjit nr. 38/2012, “Për shoqëritë e bashkëpunimit bujqësor, shkalla e tatimit mbi të ardhurat në normën 5% do zbatohet deri në fund të vitit 2029.
d. për personat juridikë, të cilët ushtrojnë veprimtari ekonomike për prodhimin apo zhvillimin e softëare-ve, tatimi mbi fitimin me normën 5% do zbatohet deri në fund të vitit 2029.
e. për entitetet, të cilët ushtrojnë veprimtari ekonomike në industrinë automotive, shkalla e tatimit mbi të ardhurat 5 % do zbatohet deri në fund të vitit 2029.
f. për:
i. individët tregtarë;
ii. të vetpunësuarit, si dhe;
iii. entietet
me të ardhura bruto deri 14 milion lekë në vit, norma e tatimit mbi të ardhurat 0% do aplikohet deri në fund të vitit 2029. Norma e tatimit 0 % nuk aplikohet për tatimpaguesit e përmendur në nënndarje “ii” dhe “iii” më sipër, të cilët furnizojnë shërbime profesionale. Lista analitike e shërbimeve profesionale përcaktohet me vendim të Këshillit të Ministrave.”
Pra për të gjithë të vetëpunësuarit që ofrojnë shërbime profesionale, viti 2029, siç duken bathët do të vijë në janar të vitit 2023, pra 6 vjet përpara.
Pra, Ilir Beqaj, po po ai Iliri që fliste për pagat e pedagogëve, pikërisht ai që me shoqërinë e tij “Intech+” me status të saj “Aktiv” e që në vitin 2016 dorëzon bilancin e viteve 2008, 2009 e 2010 dhe që bilanci i fundit që ka depozituar në QKB është ai i vitit 2014, dhe që të ardhurat e këtij vitit të fundit i ka patur 160 milion lekë të reja ose siç na pëlqen ne shqiptarëve të flasim 1.6 miliardë lekë të vjetra, do të paguaj tatimin 5% ndërkohë që unë dhe të gjithë të ngjajshmit e mi, auditues, kontabilist, avokat, noter, vlerëuses, arkitekt etj etj do të paguajnë 15% edhe pse të ardhurat tona nuk janë as sa 2% e të ardhurave të Intech+ -it të shokut Ilir Beqaj.
Disa mund të mendojnë se nuk është ndonjë shumë e madhe tatim fitimi 15%, por për një faturim vjetor 4.000.000 lekë të reja (ose më mirë të themi për një të ardhur mujore 333,333 lekë të reja, ose pak më shumë se 3 milion lekë të vjetra) një profesionist i lirë në një vit do të paguaj tatim 600.000 lekë të reja ose 6 milion lekë të vjetra, pra ky biznes do të punoj dy muaj për shtetin.
Po i rikthehem sërish, së shkuarës së heronjve të punës socialiste.
Kur shihja këta njerëz të cilët, sipas vlerësimit shtetar të kohës, punonin për të ardhmen, me syrin tim prej fëmije, gjithmonë prisja të shihja një njeri të bukur, të veshur mirë, të qeshur, sepse kështu e imagjinoja unë të ardhmen, por në fakt ishte e kundërta.
Me pamjen e tyre të rraskapitur, me fytyrën të çmendur nga rrudhat, me duart që nuk iu dallohej më ngjyra e lëkurës, me veshje të vjetra sa më s’ka, me një shikim të përhumbur e që nuk kishte më asnjë shenjë jete njerëzore dhe me një buzëqeshje të sforcuar e cila shëndrrohej në ngërdheshje, këta heronjë dilnin përpara të deleguarve të partisë për të marë “titullin e madh”.
Heronjtë e punës socialiste të diktaturës, kanë filluar të ngjajnë çmendurisht me “heronjtë e punës socialiste” të neodiktaturës ramiste me të vetmin ndryshim se ne nuk marrim “dekorata”.
Siç ka qenë praktikë e deritanishme, të gjitha politikat fiskale të qeverisë kanë goditur shtresën e profesionistëve ose po ta themi me fjalë të tjera, klasën e mesme.
Klasa e mesme, falë përkushtimit të paepur të qeverisë tonë rilindase, po kthehet si kafshët mitologjike për të cilën flasin të gjithë, por askush nuk di saktësisht si ta përcaktojë ekzistencën e tyre.
Duket si hakmarrje dhe një urrejtje apo zili e brendshme kjo që qeveria jonë synon të bëjë me shkatërrimin e shtresës së mesme. Është sikur të kërkonte t'i jepte fund të gjitha përfitimeve që kanë arritur njerëzit e mirëarsimuar, të disiplinuar dhe respektues të ligjit.
Qeveritë progresiste investojnë në shtresat e mesme, kurse qeveritë autokratike, diktatoriale kanë misioni politik zhdukjen e kësaj klase. Të shkatërrosh klasat e mesme do të thotë të shkatërrosh përparimin, lirinë, ndryshimin e shoqërisë. Një vend pa klasë të mesme është një parajsë për autoritarizmin populist.
Të firmosësh vdekjen e klasës së mesme nuk ka qenë shumë e vëshitrë për qeverinë. Ajo në këtë prag krize e cila mendohet të zgjasë shumë, me ligjin që është gati të aprovojë ka vendosur t’i marrë edhe frymën e fundit motorit të demokracisë së vendit.
Në këto 9 vite, qeveria nuk ka bërë asgjë tjetër përvecse ka punuar pa rreshtur për të firmosur certifikatën e vdekjes së kësaj klase, kjo klasë do të vdesë pas një procesi gradual varfërimi të shkaktuar nga qeveria ramiste/ Dosja.al
Enton Abilekaj Asgjë nuk ndryshoi për Dosjet me amendamentin Alibeaj. Nuk u hapen Dosjet, siç pretendoi hartuesi. Çdokush që d...
Foto ilustruese “Politico.eu” Vladimir Putin ka shtypur miliona njerëz teksa po shkon drejt tiranisë. Megjithatë, edhe largimi ...
Enton Abilekaj Ajo pjesë e opozitës që, në kundërshtim me interesin e oligarkëve, e çoi në Gjykatën Kushtet...
Meri Lika Pjesa e elektoratit gri e cila nuk voton për kahun politik, por voton për atë i cili e bind se do bëj më të mir&eum...
Mimoza Hafizi, fizikante Ndokujt mund t’i duket rastësi se si shifrat veçanërisht dramatike të regjistrimeve universitare ...
Shaban Murati Në fjalimin, që kryeministri i Shqipërisë, Edi Rama, mbajti në 12 tetor në Asamblenë e Përgjithë...
Enton Abilekaj Mund të jetë i vërtetë pretendimi mburravec i Kryeministrit, se fjalimi i tij ra si bombë në Asamblenë Pa...
Foto ilustruese Është e qartë që Vladimir Putin dëshiron që ne ta shohim si një i çmendur që mund të p&...
Foto ilustruese Dikur mendoja se teoritë e konspiracionit ishin streha e njerëzve të pafuqishëm dhe të paarsimuar. Bindja se forca...
Sali Berisha dhe Besart Xhaferri Nuk ka asgjë kundër Partisë Demokratike në polemikat apo edhe sherret që pasuan zgjedhjen e Kryet...
